Aiton Bordako taberna ustiatzeko esleipen prozesua zabaldu du Lezoko Udalak

Aiton Borda ustiatu nahi dutenek hilaren 25a baino lehen aurkeztu behar dute eskaera orria udaletxeko erregistroan. Hasteko, urtebeteko esleipena da.

Urko Etxebeste

Lezo

2018/07/13

Aiton Bordako taberna.

Lezoko Udala Aiton Borda erretiratuen egoitzako taberna ustiatzeko arduradun bila hasi da. Eskaerak jasotzeko epea zabaldu du, uztailaren 25era arte. Eskaerak uzteko, informazio gehiago izateko, esleipen baldintzen berri izateko, edo eskaera orriak lortzeko, udal bulegoetara joan behar da. Baldintzen artean, honakoak batzuk:

Esleipena urtebeterako egingo da, eta ondoren, urtez urte, hori luzatzeko aukera egongo da.
Esleidunek urteko 300 euroko kanona ordaindu behar dute.
Udalak mantenu gastuak ordainduko ditu: ura, argindarra eta bestelako lanak.
Udalak ezarriko ditu salmenta prezioak.
Ustiatzailea arduratuko da produktuak eskuratzeaz.
Tabernaren ustiaketagatik lortutako diru guztia esleidunarentzat izango da.

Esan bezala, eskaerak uztailaren 25era arte egin daitezke, udalean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.