[Galeria] Trintxerpen, jaia bolo-bolo

Trintxerpen gaur dute jaietako egun handia, Karmengo Amaren eguna. Larunbatean, berriz, Kuadrillen Eguna izan zen, giro apartarekin.

Urko Etxebeste

Pasaia

2018/07/16

Larunbateko haurren danborradako irudia.

Gaur bukatuko dira Trintxerpeko jaiak. Eguraldia lagun, primeran doaz. Horren erakusle da HITZAk larunbat goiz-eguerdi aldean jaso zituen irudiak. Haurren danborradarenak, Trintxer Elkartearen herri kirolenak (emakumeek eman zuten erakustaldia), eta Korkoiburuek Gudarien Enparantzan egin zuten herri bazkariarenak dira. Festa giroa bolo-bolo ibili zen Pasaiako barrutian. Kuadrillen Eguna izan zen larunbatekoa. Gaur da festetako egun handia, Karmengo Amarena. Azkena izanagatik, emozioz beterikoa da, sentimendu bereziarekin bizi dute trintxerpetarrek, oraindik ere, itsasoarekin harreman handia duen barrutia delako. Hona gaurko egitaraua:

11:00etan, patata tortilla lehiaketa Azkuene aldean.
12:00etan, meza nagusia Karmengo Amaren elizan.
13:00etan, meza nagusiaren ondorengo otordua.
17:30ean, Karmengo Amaren elizatik hasita, marinelen danborrada. Pantalanean ontzi batera sartuko dira, eta itsas ibilbidea egingo dute San Pedroko Torreraino. Ondoren, berriz ere pantalanera, eta Trintxerpen zehar bidea egingo du danborradak.
18:00etan, Gudarien Enparantzan, Dantza-tu taldearekin dantza erakustaldia.
22:30ean, Azokaren parean, jaietako alkateek bandera jaitsiko dute. Ondoren, zezensuzkoa eta jaien bukaera.

+ Irudi galeria. Trintxerpeko jaien hasierako argazkiak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.