Ikusmira sortu du Karmengo Amak bere egunean

Ainhoa Mariezkurrena

2018/07/16

Arrantzaleen danborrada itsasora atera da aurten

Gaur ospatu dute Trintxerpen jaien azken eguna, Karmengo Amaren eguna, hain zuzen. Tortila patata txapelketa, meza, dantza erakustaldia eta arrantzaleen danborradaz gozatu ahal izan dute eta ikusmira handia sortu da herrian. Euskal Herrian arrantzaleen patroia da Karmengo Ama Birjina, horregatik da garrantzitsua trintxerpetarrentzat. Hartara, arrantzaleen danborrada hasi baino lehen, birjina sorbaldan jaisten dute elizatik eta agurra dantzatzen diote. Ondoren itsasontzian sartu eta Torreatzeraino buelta egiten dute. Danbor-joleek ibilbide berdina egin dute beste itsasontzi batean. Soinean Karmengo Ama Birjinaren irudia eramateaz gain, puntu more bat zeramatzaten parte hartzailea guztiek, emakumeenganako indarkeriaren aurkako sinbolo gisa. Danborrada guztietako partaideek eraman dituztela adierazi dute. 17:30etako kanpaiak jotzeko zain ziren protagonistak zein ikusleak eta puntu puntuan abiatu dira. Jendea miresmenez eta oroitzapena gordetzeko asmoz azaldu da eliza azpira. Danborrada jarraitu eta birjina lagundu dute itsasontziraino eta buelta. Une berean, Dantza-tu konpainia pasaitarraren erakustaldia egin dute Gudari plazan. Korkoiburuek dantza diziplina desberdinak gonbidatu dituzte oholtzara eta hemen ere ikusleak kuriositatez begiratzen zuten. Rock&Rolla, flamenkoa, salsa, street dance eta bollybod bezalako dantzak eskaini dituzte, besteak beste. Jaia gaualdean amaituko da, zezen suzkoa eta bandera jaitsierarekin. 22:30etan izango da, azoka aurrean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.