Zortzitik zortzi. EuskoTrenen jokatu diren estropada guztiak irabazi dituzte batelerek. Hibaikak, ETEn, bigarrena lortu zuen ia atzo.
Historiagatik eta duten esanahiagatik, Orion eta Pasaian estropadak irabaztea ez da nolanahikoa. Gipuzkoako eta Euskal Herriko arraunaren eremu sakratu dira. Bada Pasai Donibane Koxtape-San Juan arraun taldeko emakumeen traineruak, Batelerek, asteburuan bi eremu horietan irabaztea lortu dute. Ez dago geldituko dituenik. EuskoTren Liga eurena da, ezusteko handi, handiegi bat edo batzuk (asko beharko lukete) gertatzen ez badira behintzat. EuskoTrenen, zortzitik zortzi arrosentzat.
Orio ez dute oso urrun. Baina beti atzean daude horiak. Ez dute asmatzen nola aurre egin Bateleren nagusitasunari. Eta begira arrosen ontzian errotazioak egiten direla, arraunlari den-denek aukera izan dezaten sasoi historiko honetan alea jartzeko. Adibidez, etxean, Pasaian, larunbateko
Gipuzkoako Foru Aldundiaren banderan hasieratik bukaerara mendean hartu zuten lehia sanjuandarrek. Lasaitasun irmoarekin irabazi zuten etxeko bandera, zaleen aurrean, inori aukerarik eman gabe. Orio zazpi segundo atzetik iritsi zen bukaerara; Arraun Lagunak-ek eta Hondarribiak liga propioa dute, biena. Beste liga bat.
Atzo,
Orioko Kanpina Banderan, estuago baina berdin. Bandera eta arraunak Batelerek igo zituzten. Orio hiru segundo atzetik izan zuten Anartz Gereñok prestatutakoek, baina ia insolentzia bihurtu den lasaitasun batekin bereganatu zuten bandera. Traineru bateko aldea soilik, baina inongo unean ez zen arriskuan izan trapua.
Horregatik, EuskoTren Ligak ekuatorea zeharkatu duen honetan, inork gutxik espero du
sailkapen nagusian iraultza. Banderaren batek ihes egin dezake beharbada, aurkariak ez direlako geldirik egongo, baina ez dirudi.
Hondarribia, bestalde, azken estropadetan Arraun Lagunak-en atzetik ari da sailkatzen. Gogor borroka egin beharko dute berdeek azken postutik ihes egiteko. Donostiarrek badirudi neurria hartu dietela berdeei, eta Pasaiako eta Orioko estropadetan erraz utzi dituzte atzean.
ETEn, Hibaikaren bigarrena ia
Atzo, igandea, Errenteriako Hiria Bandera jokatu zuten
gizonen (KAE1) eta emakumeen (ETE) mailetan Pasaian, San Pedroko eremuan, erlojupekoan. Emakumeen Traineru Elkartearen estropada zinez zirraragarria izan zen. Hala, lehen hiru postuak segundo eta erdi eskasetan erabaki ziren: Tolosaldea irabazleak 11:20:00 egin zuen, bigarren izan zen Deustok 11:21:26, eta Hibaika antolatzaileak. Ia bigarren bandera lortu zuten errenteriarrek. Larunbatean, Orion, laugarren izan ziren.
Bere neurrian baloratu behar da Hibaikako emakumeen trainerua aurten egiten ari dena. Tripulazio titular ia osoa berria da, gaztea; oso gaztea. Horregatik joan den asteburuan bandera bat lortu izana, eta atzo hirugarren izanda ere banderaren lehian egotea, oso baikor baloratzeko modukoa da. Eskarmentua ari dira hartzen Madalen ontzikoak, eta aurten emaitzak iristen hasi diren bezala, EuskoTren Ligara igotzeko borrokan bete-betean dago taldea,
sailkapen nagusian lider den Donostiarratik hiru puntura bakarrik daudelako.
