Haurrak hasi dira lehiarekin, eta helduak abuztuaren 1ean hasiko dira euren partidekin. Finalak santakrutzetan jokatuko dituzte.
Goiko Plazako pilotalekua.
Lezoko Santakrutz Jaietako pilota txapelketra herrikoia martxan da. Haurrena eta helduena da. Haurrak jada hasi dira euren lehian, hilaren 19an hasi zirelako Goiko Plazako pilotalekuaren paretak astintzen. Hilaren 26 eta 27an berriz ere partidak izango dituzte gazteenek, abuztuko atsedenaldia hartu aurretik; hil horren bukaeran ekingo diote berriz ere lehiari.
Helduen partidak, berriz, abuztuaren 1ean hasiko dira. Ia egunero izango dira partidak, arratsaldean batik bat. Hala, partidak astegunetan izatea dago aurreikusia, baina jokalarien ordutegien arabera molda daitezke horiek, goizak eta jai egunak erabiltzeko aukerarekin.
Finalak santakrutzetan jokatuko dituzte.