[Bideoa eta galeria] 'Kriston martxa dabil'

Gaixotasun larri eta sendaezinak dituzten Aitzol Gogorza eta Mikel Arrieta preso oreretarren aldeko aldarriak zabaldu zuen euskal errepresaliatuen aldeko danborrada

Ikerne Zarate

Errenteria-Orereta

2018/07/25

Txalo zaparrada artean hartu zuten euskal errepresaliatuen aldeko danborrada Herriko plazan bildutakoek.

Txalo zaparrada artean hartu zuten atzo Herriko plazan bildutakoek euskal errepresaliatuen aldeko danborrada. Gaixotasun larri eta sendaezinak dituzten Aitzol Gogorza eta Mikel Arrieta preso oreretarren aldeko aldarriak zabaldu zuen danborrada, eta Mikel eta Aitzol etxera leloa zuen pankartaren atzean, Oreretako errepresaliatuen irudiekin, haien senideak. Herriko plazan hamarnaka eta hamarnaka lagun izan zituzten zain, eta ikuskizun bikaina eskaini zuen danborradak. Zezen suzkoek ere ez zuten galdu hitzordua. Berritasuna izan zuten errepertorioan, gainera, Kortatu taldearen Sarri sarri danbor erritmoan jo zuten bi gitarra elektriko eta bi abeslarik lagunduta. Gogor astindu zituzten danborrak, euskal errepresaliatuen eskubideen alde. Gaur amaituko dira madalenak. Baina oraindik ere bada zer gozatu. Gaur arratsaldean Kukaña izango da protagonista OaingozHau mugimenduak antolatuta 15:15ean Panier Gunean. 19:00etan berriz, Maialen eta Xantik datorren urtera arte agur esango diete txikienei herriko plazan. Zentenarioak hasten ditu jaiak eta pieza berak amaituko ditu gaur 00:00etan EMKE Bandaren kontzertuarekin zumardian. Egitarau osoa, hemen.

Madalenak 2018, euskal errepresaliatuen aldeko danborrada.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.