[Galeria] Ikurrina amets

Ez dute erraza izan hamar parte hartzaileek, bosna emakume eta bosna gizon. Antolatzaileek grasa ere kendu behar izan diote kukañari parte hartzaile ausartei bidea errazteko.

Ikerne Zarate

Errenteria-Orereta

2018/07/25

Aitor Garcia, Nahia Vicente eta Naiara Otaño kukañaren irabazleak sariekin.

Ikurrina lortzea, hori OaingozHau mugimenduak seigarrenez antolatu duen kukañan parte hartu dutenek zuten eginbeharra. Ez dute erraza izan hamar parte hartzaileek, bosna emakume eta bosna gizon. Antolatzaileek grasa ere kendu behar izan diote kukañari parte hartzaile ausartei bidea errazteko. Aitor Garciak poltsikoratu du azkenean, saria, gizonen atalean. Hamarretik, lautan lortu du ikurrina hartzea eta azkarrena izan da gainera igerian joan eta eskaileretara heltzen. Emakumeetan, berriz, Naiara Otaño izan da ikurrina lortzen lehena, baina gero, Nahia Vicentek ere lortu du, eta Otañoren denbora hobetu. Saria emakumeetan azkenean Vicenterentzat. Txapeldunek, 200na euro eskuratu dituzte ikurrina eskuratzeko bustitzeagatik, hezurretaraino busti gainera, gaur proba bitartean izan den sargoriarekin eskertuko zutena. Ikusleak epel hasieran, baina, ikurrineraino hurbiltzen hasi diren bezain pronto txaloak eta animo oihuak ugaritzen joan dira. Ez da gutxiagorako, kukañako parte hartzaileek une benetan ederrak eta dibertigarriak eskaintzen adituak direlako urtero, eta gaurko saioa ez da gutxiagorako izan. Proba betetzen emakume azkarrenaren saria ez du lortu Otañok, bai ordea, HITZA-k ematen duen eroriko onenaren saria. Elegante, duin, estiloarekin erori da oreretarra kukañatik behera, eta HITZA-ren 15. urteurrena ondo ospatzeko ardo kutxa eta HITZAren urtebeteko doako harpidetza jaso ditu trukean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.