Hasierak dira onenak
Eztanda egin du jaiak Donibanen. Egun bat beranduago hasi dira aurten eta hartarako gogoa nabari da herrian. Kolore arrosa nagusi, dantza besterik ez da izan lehenengo egunean.
Eztanda egin du jaiak Donibanen. Egun bat beranduago hasi dira aurten eta hartarako gogoa nabari da herrian. Kolore arrosa nagusi, dantza besterik ez da izan lehenengo egunean.
20:00etan bota dute suziria. Jai Batzordeko kideak udaletxe zaharrera igo dira eta aurten omendu nahi izan duten Itsas Mendi Txistulari taldeari zapi arrosak jarri ostean, txupinazoa botatzeko gonbita egin diete. 48 urte lanean eta kaleak alaitzen daraman taldea, Donibaneko jaietako goizak alaitzen dituena eta dantza suelto txapelketan ere jotzen duena. Bai eta beste hainbat ekintzatan ere.
Suziria baino lehen hasi da jaia, ordea. 18:30etan Elektrotxufla elektrotxarangak piztu ditu kaleak eta gazteriaren gerriak. Afarira arte luzatuko dutela iragarri dute, gero kamiseta arrosa jantzi duten guztiek afaria baitute plazan. Horrez gain, buruhandiak, mus txapelketa, agurra, goxokiak, flash moba eta beste hainbat ekintza.
Gaur luzatzen den arte jarraituko du festak eta, noski, datozen egunetan. Ikus hemen egitaraua.
