Jaiak hasteko ordu batzuk besterik ez

Festa usaina dario Donibaneri. Herria mugimenduan dago azken egunetan eta gaur arratsaldean lehertuko da jaia.

Ainhoa Mariezkurrena

2018/07/25

Izaro Mariezkurrena herritarrak gazteen txosna margotu du aurten

Festa usaina dario Donibaneri. Herria mugimenduan dago azken egunetan eta gaur arratsaldean lehertuko da jaia. Hainbat eragile prestaketetan aritu dira azken egunotan: txosnak muntatzen, apaingarriak prestatzen, hozkailuak sartzen, edaria txukun uzten, argiak jartzen… Bai eta gazte eguneko kamisetak banatzen, kartelak pegatzen, mus txapelketarako izena ematen, tabernak atontzen, ordutegiak antolatzen, arropa prestatzen, tortila patatak egiten…Dena prest utzi dute gaur arratsalderako. Bada azken egunerako ere prestatu dena. San Inazio egunean, hilak 31, egiten den batelarien estropada herrikoirako entrenatzen aritu da jendea. Garai batean batelerak izeneko emakumeak arraunean pasatzen zuten jendea eta merkantzia Donibanetik San Pedrora. Haien omenez estropada egiten dute uztailaren 31 goizean. 12:15etan izango da, desfilea egin ondoren. Esan bezala, ordu batzuk baino ez dira gelditzen jaia lehertzeko. Gaur, Santiago Egunarekin hasiko dira, 17:30etan dira lehen ekintzak. Gaurko egitaraua idatzita eta hemen egun guztietakoa. 17:30: Mus-txapelketa herrikoia Bonantzan. 17:30: Binakako pala txapelketaren finala frontoian. 18:00: Poteo herrikoia Elektrotxuflarekin, Plazatik Meipi aldera. 19:00: Buruhandiak Meipitik plazara. 20:00: Txupinazoa eta ikurrinaren igoera, Itsas mendiko txistulariaren eskutik. Agurra herrikoia eta Flashmoba plazan. 21:30: Gazteen afaria Santiago Plazan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.