[Bideoa eta galeria] Datorren urtera arte zain izango dituzte

Datorren urtean mende bat soinean itzuliko dira Maialen eta Xanti. Atzoko agurra, hunkigarria izan zen eta txalo zaparrada batekin agurtu eta eskertu zieten bildutakoek erraldoi eta buruhandien konpartsako kideei lana.

Ikerne Zarate Gartziarena

Errenteria-Orereta

2018/07/26

Xanti eta Maialen, buruhandiak, konpartsako kideak eta udal txistulari taldea.

Xanti eta Maialenek agur esan zieten atzo errenteriarrei baita hitza eman datorren urtean itzuliko direla. datorren urteko madalenak gainera, ez dira izango edonolakoak bi erraldoientzat, mendea beteko baitute. Atzoko saioan bikain aritu ziren biak, baita konpartsa osatzen duten buruhandiek ere. Bestaldean, herritarrak, haur eta gazte, baita helduak ere, Xanti eta Maialen berezi direlako eta herriaren identitate propio horren zati bilakatu direlako. Madalen Jai hauetan ere, txupete mordoa zintzilikatu dizkiete gerri bueltan herriko haurrek. Hori ere tradizio bilakatu du Erraldoi eta Buruhandien Konpartsak. Arrakastaren atzean, konpartsa hori egi bihurtu duten eta bihurtzen jarraitzen duten pertsonak. Herria jai giroan den bitartean, eguerdiro eta arratsaldero ateratzen dira kaleetara Xanti eta Maialenekin herria handi egitera, eta buruhandien maskurien burrunbekin bazterrak esnatzera. Udal Txistularien Bandak jarri zion doinua atzoko emanaldiari. Txistulariak zein buruhandi eta erraldoien konpartsako kideak txalo zaparradarekin eta eskertuta agurtu zituzten. Datorren urtera arte, zain izango dituzte.

Madalenak 2018, Xanti eta Maialenen agurra.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.