[Galeria] Donibanen saltsa badago

Salda lapikoan bezala mugitzen ari da Donibane bertako jaietako lehen egunetan. HITZAk une batzuek gorde ditu argazkietan.

Ainhoa Mariezkurrena

Pasaia

2018/07/26

Santa Ana ermitan hamaiketakoa egin dute goizean

Atzo hasi ziren jaiak Donibanen eta gaur ere goizetik sumatu da saltsa beroa. Ermitan edandakoa zein plazan sukaldatutakoak gosetuta utzi ditu herritarrak. Santa Anak hartu dio lekukoa Santiagori. Gaur Santa Ana ermitan hasi dute batzuek eguna, Santa Ana egunean bertan egin ohi dute urteko meza. 11:00etako kanpaiak jo ondoren, meza iragartzen zuten beste kanpai bereziak entzun dira. Urtean zehar ia irekitzen ez den ermita jendez bete da eta ondoren tortila patatata eta txistorra pintxoak dastatu dituzte Pasaiako badiari begira. Salda ere bazegoen. Plazan berriz, marmitakoa prestatzen ari ziren, ea nork egin goxoena. Lau bikote lehian. Epaileek erabakiko dute irabazlea nor den. Bitartean gauean izango den habaneren ikuskizunerako apainketak prestatzen aritu dira, oholtzan gehienbat eta etxeko balkoietan. Arratsaldean, pintxo dastaketa egongo da Bonantzan, gateek prestatutakoak izango dira. Txikienek, ordea txokolatea izango dute plazan eta lehenago abordaia egingo dute. Oraindik luze joko dute jaiek. Hemen lehen bi egunek utzitakoa, gaurko egitaraua eta egitaraua osorik. 17:00: Abordaia, buruhandiak eta umeentzako txokolate-jana plazan. 18:00: II. Pintxo Lehiaketa Bonantzan, herriko gazteek antolatuta. 19:00: Herritarrek pintxoak dastatu eta bozkatu ondoren, sari-banaketa. 20:30: Andoni Ollokiegiren kontzertua txosnetan. 22:30: Ohitura zaharrak berreskuratuz: Habaneren XIV. emanaldia. Santiago plaza musika eta kolorez jantziko da. Ondoren: DJa plazan edo Son pa bailar taldea.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.