Denboraldiko kirol eskaintza prest dute Pasaiako kirol instalazioetan
Hilaren 24tik 28ra, ate irekiak Donibanen eta Trintxerpen
Urriaren 1ean hasiko dira klaseak Pasaiako kirol instalakuntzetan, eta dagoeneko izena eman daiteke. Ikastaro arrakastatsuenak errepikatu dituzte eskaintzan, eta berritasunak ere badira, Donibaneko hipopresiboen ikastaroak kasu.
Ikastaro gehienak, ohi bezala, Trintxerpen eta Donibanen dira, baina San Pedron eta Antxon ere badira. Pilates eta Yoga eskainiko dituzte San Pedron, eta Zumba Antxon.
Horrez gain, bazkideentzat tarifa laua eskainiko dute, hilean 35 euro ordainduta, erabiltzaileek nahi duten ikastaro eta egokien datorkien ordutegian egin dezaten.
Zer kirol modalitate aukeratu ez dakitenentzat, azkenik, ate irekien jardunaldiak antolatu dituzte. Hilaren 24tik 28ra bitartean, Trintxerpeko eta Donibaneko kirol instalazioetan ikastaroak doan eskainiko dituzte, erabiltzaileek probatu et gustuko jarduera aukeratu dezaten errazteko.
Kirol eskaintza
