Sei segundoko errentarekin, Batelerek eskura dute bosgarrengo Kontxa
Mutiletan, San Pedrok estropada oso txukuna osatu zuen, aurkariaren erritmoari eutsiz
Batelerek beren nagusitasuna berretsi dute. Azkarrenak izan dira Kontxako bandera irabazteko lehen jardunaldian, sailkatze estropadan Riveirako galiziarrek sortu zituzten zalantza guztiak uxatuz. Oriorekiko zazpi segundoko errenta lortu dute arrosek, eta are tarte handiagoa, 25 segundokoa, Donostiarrarekiko. Izan ere, ETE Ligako irabazleak, atzo, ez ziren sobera fin ibili. Seigarren izan ziren, Arraun Lagunak eta Hibaikaren atzetik.
Errenteriarrak itzulera ikusgarria egin zuten, beren txandan lehen unetik aurreratu zen Arraun Lagunak traineruari lau segundoko arteko tartea janez.
Honenbestez, datorren igandean, San Juan, Reveira, Orio eta Arraun Lagunak lehiatuko dira, eta Hibaika, Donostiarra, Kaiku eta Tolosaldea, bigarrengoan.
Etxeko lanak txukun eginda, astean zehar igandeko estropada txukun prestatzeko lanean buru belarri ariko dira sanjuandarrak, Kontxako bosgarren bandera etxera eramateko irrikaz.
San Pedro, eutsiz
Mutiletan, estropadak, denetik izan du lehen jardunaldian. Palen txokeagatik Urdaibairi ezarritako zigorrak, Hondarribiaren aukerak handitu ditu. Zirrara ez da falta izan, ez eta, noski, polemikarik ere.
Helmugan 19:26ko denbora egin zuten Zierbenak eta Urdaibaik, nahiz eta zigorra tarteko, azkenik, 20:15e denbora duten bermeotarrek. Segundo bakarrera Hondarribia, lehen txanda nagusitasun osoz irabazita, 19:27ko denborarekin.
Honenbestez, igandean, lehen txandan, Zierbena, Hondarribia, Santurtzi eta Cabo ariko dira ohorezko txandan eta hiru lehenek dute bandera etxera eramateko aukera gehien.
Lehia horretatik kanpo, baino harro eta pozik, sanpedrotarrak. Azkenak izan ziren, baina oso estropada txukuna osatuta eta kontrarioen erritmoari eutsiz, batez ere lehen luzean. Honenbestez igandean moreak gogotsu eta gozatzera irtengo direla ziurra da.
Sailkapenak emakumeak
San Juan 10:41,66.
Riveira 10:47, 76
Orio 10:48,86
Gu Arraun 10:55.40.
Hibaika 11:01,42.
Donostiarra 11:06.66.
Kaiku 11:06,76.
Tolosaldea11:15,66.
Sailkapena gizonak
Zierbena 19:62.20
Hondarribia 19:27,06
Santurtzi 19:41.32
Cabo 19:43.22
Orio 19:47. 16
Donostiarra 19:59.18.
Sanpedrotarra ae 20:00,64.
Urdaibai 20.15.64
