Allerru berria, bihar martxan

Allerru Kirol Elkartearen talde nagusia, gizonen Erregional Ohorezko Mailakoa, bihar hasiko da Ligarekin Anaitasunaren zelaian.

Urko Etxebeste Petrirena

Lezo

2018/09/07

Allerruko kideak, aurredenboraldia hasi berritan jasotako irudian.

Allerruren gizonen talde nagusiak bihar, larunbata, hasiko du sasoia. Denboraldiaurreko probak bukatu dira. Orain benetako lehia dator. Erregional Ohorezko Mailan ariko dira lezoarrak aurten, iaz baino koska bat gorago. Exijentzia handiagoko maila izaki, Allerruren helburua, hasiera batean, mailari eustea izango da. Ligak, jardunaldiek aurrera egin ahala, jarriko du talde bakoitza bere tokian, baita Allerru ere. Anaitasunaren kontra Txerloian. Horra zuri-berdeen sasoiko lehen partida, bihar, 17:00etatik aurrera. Esan gabe doa Lezoko taldeak ahalik eta emaitza onena lortu nahiko duela Azkoitia aldean sasoia ganoraz, konfiantzarekin hasteko. Ion Telletxea entrenatzaile berriak eta haren lantalde tekniko osoak horretarako lan egin dute abuztuaren 1etik, entrenamenduak hasi zituztenetik. Bestalde, taldean, urtero talde guztietan bezala, aldaketak egon dira. Batzuk joan dira, eta beste batzuk etorri dira irtendakoen hutsunea betetzera: 12 jokalarik utzi dute taldea, eta 8 etorri dira. Behean taldearen gaineko xehetasunak. Orain, 90 minutuka neurtuko dira lezoarren eginahalak. Maila berria, ilusio berria. Ea dena, larunbatetik, ondo doan. Allerru, Erregional Ohorezko Maila. 2018-2019ko plantilla.

Atezainak: Patxi Mendizabal eta Beñat Mungia.
Atzelariak: Unai Arruti, Jon Erauskin, Urbil Fraile, Mikel Garmendia, Jon Ander Iparragirre, Ibai Pagadizabal, Mikel Sanles, Unai Hernandez, Ander Hernandez.
Erdilariak: Aritz Alfonso, Julen Agirregomezkorta, Iñigo de La Puente, Iker Lopetegi, Xabi Prieto, Anartz Santos.
Aurrelariak: Urtzi Arruti, Aritz Gordo, Ander Loinaz, Eneko Agirregomezkorta, Jon Gainza, Jon Toval.
Lantalde teknikoa: Ion Telletxea (entrenatzailea), Unai Santos (bigarren entrenatzailea), Ibai Garmendia (prestatzaile fisikoa), Iker Vidal (atezainen entrenatzailea) eta Karlos Biurrarena (ordezkaria).
Iazko taldetik bajak: Iker Vidal, Iñigo Lizarazu, Aitor Martiarena, Iñaki Roteta, Oihan Olasagasti, Unai Mitxelena, Aaron Laguillo, Gorka Benito, Mikel Gallego, Ivan Romero, Jon Garmendia, Asier Sanchez.
Jokalari berriak: Beñat Mungia, Mikel Garmendia, Mikel Sanles, Ander Hernandez, Julen Agirregomezkorta, Iñigo de La Puente, Aritz Gordo, Ander Loinaz.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.