Pasaiak Santutxuren kontra du partida, etxean
Denboraldiko hirugarren neurketan puntuak gehitzen hasi nahi dute zure gorriek.
Bi partida jokatu ditu Pasaiak orain arte, eta biak galdu. Gol gosez eta puntu beharrean, denak ematera zelairatu dira bihar zuri-gorriak. Don Boscon dute partida, Jesus Mari Zamora zelaian, Santutxuren kontra, 17:00etan.
Santutxukoek ez dute orain arte partidarik galdu, eta partida bat irabazi eta bigarrena berdinduta, lau puntu dituzte jada.
Trintxerpe, Gorengo Mailan, datorren asteburuan ekingo dio denboraldiari, baita sanpedrotarra ere, Oiartzunen kontrako derbian. Haur eta kadete mailako taldeek ere datorren asteburuan ekingo diote lehiatzeari.
Areto futbola
Pasaiak, Areto Futbolean, hiru talde izango ditu aurten: Antxoko taldea Euskal Ligan; Trintxepekoa, nesken Senior Mailan; eta Donibane Stokke, Gipuzkoako Ligako bigarren mailan. Areto futbolean denboraldia ez da oraindik hasi, baina taldeak ez daude geldi.
Antxoko taldeak bazkide kanpaina egin du uda bitartean, eta bihar, larunbata (hilak8) denboraldi aurreko partida bat jokatuko du, 11:30ean, Donibaneko kiroldegian, Euskal Ligara igo berri den Tolosako Iurre tabernaren kontra.
Neskak, bien bitartean, taldea indartzeko kanpaina bete-betean dira. Futbolean jokatu nahi duten 15 urtetik gorako nesken bila dabiltza. Interesdunek 657 708 116 telefono zenbakira deitu behar dute.
