Proposamen parte hartzaile eta berritzaileak udal liburutegian
Ikasturte hasierari helduz, jarduera desberdinak proposatu ditu Errenteriako Udal Liburutegiak. Haur zein helduentzat zuzenduriko proposamenak uztartu dituzte.
Ikasturte hasierari helduz, jarduera desberdinak proposatu ditu Errenteriako Udal Liburutegiak. Haur zein helduentzat zuzenduriko proposamenak uztartu dituzte.
Haurrentzako literatur kluba eta Irakurketak Ozenki egiten praktikatzeko aukera. Berrikuntzen artean, komikiaren astea topa daiteke, baita Printze Txikiaren astea ere, liburutegiaren egunaren harira. Helduentzat, ordea, literatur solasaldiak antolatu dituzte, euskaraz zein gaztelaniaz eta burua astintzeko jarduera eta hitzaldiak. Azken horietako batzuk ingelesez egiteko aukera ere egongo da. Horiez gain, elikadurari buruzko hitzaldiak, Osakidetzarekin batera emango den Paziente Bizia tailerra eta beste hainbat ekimen. Informazio gehiagorako 647 673 451 telefonora edo binformacion@errenteria.eus helbidera idazteko deia luzatu dute.
Ekitaldi bereziez gain, liburutegiak irekita daudela gogorarazi dute; Astelehenetik ostiralera, 08:30etatik 20:30etara. Eta haur biblioteka 16:30etatik 20:00etara astelehenetik ostiralera ere.
