2000 haurrek lotu dute aniztasunaren zubia
Iaz hasi zuten Aniztasunari Zubiak Eraikiz proiektua Errenteria-Oreretan eta Lehen Hezkuntzako 2000 ikasle inguruk parte hartu dute aurrera atera dituzten ekintzetan.
Iaz hasi zuten Aniztasunari Zubiak Eraikiz proiektua Errenteria-Oreretan eta Lehen Hezkuntzako 2000 ikasle inguruk parte hartu dute aurrera atera dituzten ekintzetan.
Aniztasunaren balioa zentzu zabalean hartzea dute helburu. Hori gauzatzeko pertsona, behar, baliabide, diziplina eta espazio desberdinak erabili dituzte urte guztian zehar. Iazko Atlantikaldian hasi zuen bidea, ur tanta desberdinek itsaso bakarra osatzearen metaforarekin ibaian egin zuten ekintzarekin. Azaroan, Emakumeenganako Indarkeriaren Aurkako Eguna hartu zuten hizpide eta maiatzean Kultur Aniztasunaren Nazioarteko Eguna.
Aurtengo apirila eta maiatzean ere, artearekin lotutako hainbat ekintza egin dituzte; ipuin kontaketak, zinema eta musikari lotuta, bereziki. Beste hainbat gai ere landu dituzte elkarte desberdinekin batera: Aniztasun funtzionala Bizi Poza elkartearekin, minbizia Aspanogi eta Juneren Hegoek elkarteekin eta kirol egokitua Mindararekin.
Era berea, herriko gaur bertako espazioak ezagutu eta batera erabiltzeko helburua dute: “Espazio berean topo egitea izan da hasieratiko helburu bat”. Horregatik erabili dituzte udal eraikinak ekintza guztiak egiterakoan.
Bideo batean laburbildu dute prozesua.
