Abau bordara, Piriniotara, asteburu pasa
Irailaren 22 eta 23a Pirineotan pasatzeko aukera luzatu du Urdaburu Mendizale Elkarteak. Gaua Abau aterpean pasako dutela aurreratu dute.
Abau Borda Pirineotan. Arg: Urdaburu
Irailaren 22 eta 23a Piriniotan pasatzeko aukera luzatu du Urdaburu Mendizale Elkarteak. Gaua Abau aterpean pasako dutela aurreratu dute.
Larunbatean atera eta igandean itzuliko dira. Lehen egunean Urtzaindik-Larratza (1587) eta Arnaia (1646) zeharkatuko dituzte Abau Bordara iritsi arte eta bertan pasako dute gaua. Joaten den orok maindirea edo lo zaku arina eraman beharko du, mantak badaude bertan. Janaria ere eraman beharko da, asteburuko otordu guztietarako. Autobusean utz daitekeela iragarri dute. Igandean, ordea, Barranco de Gamueta-Chinebreal de Gamueta (2327) eta Linza gainean ibiliko dira.
Izena eman nahi duenak astearte edo ostegunean Urdaburu elkartear hurbiltzea dute, 19:00etatik 21:00era edo 943 52 78 79 telefonora deitu. Gehienez 40 pertsonarentzat zabaldu dute deialdia. Autobusa 22an aterako da 07:00etan Zumarditik eta 07:15ean Lintzirinen egingo du geldialdia. Informazio gehiagorako blogean begiratzea aholkatu dute.
