Mendiko argazki lehiaketa martxan
Atera argazkia mendian eta bidali lehiaketara.
Irailaren 18tik urriaren 18ra mendiko argazkiak jasoko ditu Uraburu Mendizale Elkarteak antolatu duen lehiaketaren harira. Argazkigintza gustuko duen orok parte har dezake.Kirol ekintza mendian, horixe da gaia. Animatzen den horrek 3 argazki aurkeztu ahal izango ditu gehienez, era digitalean (CD, DVD edo USB) eta JPG formatuan. Horiek Urdaburu Elkartean utzi beharko dira astearte eta ostegunetan, 19:00etatik 21:30era. Internetez bidaltzeko aukera ere badago urdaburu.mendi@gmail.com helbidera idatziz. Aurkezpenean bi karpeta bereizi beharko dira: batean argazkiak egongo dira eta bestean datuak (izen abizenak, helbidea, telefonoa, NAN zenbakia, posta elektronikoa eta argazkien izenburuak).
Lehiaketa hau Jesus Hospitaler herritarraren oroimenez antolatu dute aurten.
