Ostegunean hasiko da Lezoko Tipi-Topa egitasmoaren sasoi berria

Tipi-Topa saioen barruan bide luzea edo motza egiteko aukera dago, ostegunero. 60 urtetik gorakoentzat dira batez ere irteerak.

Urko Etxebeste Petrirena

Lezo

2018/09/18

Haurrekin ere saio bereziak egiten dituzte Tipi-Topan.

Sasoi berriko Tipi-Topa egitasmoak ostegunean (hilaren 2oan) bilduko ditu udako etenaldiaren ondoren lehenengoz lezoarrak. Herritik zehar ibilaldiak proposatzen ditu Tipi-Topak ostegunero, batez ere, 60 urtetik gorakoei begira, nahiz eta herritar ororik zabalik izan. Bizitza osasuntsua eta aktibotasuna uztartzen dituen egitasmoa da. Herritik zehar egiten diren ibilbideak egiteko errazak eta seguruak dira. Gainera, bidean, Lezoko hainbat eragileren laguntza jasotzen dute partaideek. Hala, osteguneko saiora agertzen direnek abendura arteko parte hartze txartela jasoko dute, ostegunero bertan zigilua jar dadin. Bi irteera izaten dira: 10:45ean ibilaldi luzeko kideak irten ohi dira Gurutze Santuaren plazatik; 11:00etan, berriz, toki beretik abiatzen dira motza egingo dutenak. Hori bai, beti, bidea amaitzean salda emango diete ibiltariei, plazan bertan. Urteko azken irteera abenduaren 2o0koa izango da. Ostegun honetatik ordura arte 12 saio egingo dituzte.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.