Kontzertu "magiko eta berritzailea" antolatu du Maria Magdalenaren Lagunak Kultur Elkarteak larunbaterako. Irungo Albada abesbatzaren emanaldia izango da entzulea Erdi Arora eramango duena.
Maria Magdalena Kultur Elakrteko kideak eta Albada abesbatzakoak
Kontzertu “magiko eta berritzailea” antolatu du Maria Magdalenaren Lagunak Kultur Elkarteak larunbaterako. Irungo Albada abesbatzaren emanaldia izango da entzulea Erdi Arora eramango duena.
Maria Magdalenaren Lagunek antolatu dituzte hurrengo kontzertuak aurkeztu dituzte gaurko prentsaurrekoan. Urte amaierarako dituzten asmoak zein hurrengo urtekoak kontatu dituzte. Gertukoena, larunbat honetako abesbatza gonbidatua izango da, Albada abesbatza, larunbatean 20:00etan Basilikan. Bertako partaideek kontatu dute ikusi eta entzungo denaren nondik norakoa.
Abesbatza baina karpetik gabe. Betiko abesbatzen ezaugarriak gainditzen ditu Albada koroak. Erdi Aroko kantuak eta musika tresnak erabiltzen dituzte, baita jantziak ere, publikoa garai hartara murgiltzeko. Espiritu pedagogikoa duen abesbatza dela kontatu dute partaideek. Hartara, istorio bat kontatzen dute kontzertu bakoitzean. Antzerkitik ere badauka, beraz, narratzaile bat dago pausuak kontatzen dituena. Kasu honetan, familia baten istorioa kontatuko dute. Gazteenak ez du baserrian gelditu nahiko eta mundua ezagutzera irtengo da.
33urte ditu abesbatza honek eta oraindik berritzailea izaten jarraitzen du. Jende desberdin asko pasa da bertatik eta oraindik ere jarraitzen du jendeak hurbiltzen. Hasierako pausoetan, gaurko partaideak gazteak zirela, horrelako ikuskizun bat egitea proposatu zuten. Jantziak ikertu eta egin, instrumentuak ezagutu eta jotzen ikasi eta dantzak eta abestiak ikasi behar izan dituzte. Guztia Erdi Aroko garaian girotuta eta Euskal Herriko nondik norakoen baitakoa. 1200.urtetik 1700.urtera bitarteko kantuak abesten dituzte.
Egitarau oparoa urte guztirako
Publikoa eta herria da Jose Luis Salsamendiri interesatzen zaiona eta eskerrak eman nahi dizkio Errenteriari. Hala, programazio interesgarria egiten saiatzen direla, Errenteira-Oreretan abesbatzen maila altua kontuan hartuta, gainera. Horregatik hemendik urte amaiera bitarte gonbidatu bat lotu dute hilabete bakoitzerako. Urrian 60 bat abeslari ekarriko dituzte, bi abesbatzek batera emango dute kontzertua; Mariaren Bihotza Donostiatik eta Oñati Abesbatza Oñatitik. Azarorako, gizon zein emakumeek osatutako abesbatza dator Donostiatik, kantu gregorianoa egiten dutenak. Ez omen da ohikoa emakumeek kantu mota hau egitea. Abendurako, ordea, Errenteriako batzuek sorpresa bat prestatzen ari direla aurreratu dute, baina gehiegi esan gabe, misterioa mantentzeko. Inoiz hemen lehenago ikusi ez den zerbait izango da, hori bai. Era berean, hurrengo urterako jada 10 kontzertu lotu dituztela kontatu dute.
