Euskal musikaren imajinario kolektiboa, Gezalan

Euskal musikaren abesti ezagunenen pasarteak, eta umorez jositako antzerkia. Gezala Auditoriumak igandean 'Ez dok hiru' obra jasoko du.

Urko Etxebeste Petrirena

Lezo

2018/09/19

Obraren zati batean, agertokia kolorez betea.

Antzerki obra handia igandean Lezoko Gezala Auditoriumean. Tartean konpainiak Ez dok hiru antzerki-musikala eskainiko du, euskal musikaren imajinario kolektiboan murgiltzeko ikusleak. 20:00etan hasiko da ikuskizuna. Umorezko antzerkia da Tartean konpainiak proposatzen duena, baina Euskal Herriko kantutegi tradizionalean oinarritutakoa. Patxo Telleria eta Mikel Martinez dira lanaren ildoa eramango duten aktoreak. Bikote eszeniko paregabea, orain arte parekorik ez duen obra baterako: jauzi eszeniko handia egin dute biek Ez dok hiru mamitzeko. Patxo Telleriaren testuan oinarrituta zuzendu du Jokin Oregik lana. 2017an estreinatu zuten lana Bilboko Arriaga antzokian. Konpainiak, obraren bi formatu ditu, handia eta txikia. Handiaren heldu dira Lezora, izan ere, bi aktoreez gain, hiru musikari lagun izango dituztelako agertokian: Ivan Allue perkusioan, Adrian Garcia teklatuan, eta Maria Arriaga ahotsean. Antzerkia eta zuzeneko musika, bikote ezin hobea. Arriagaren nortasun handiko ahotsak eta gitarra elektrikoak nortasunez betetzen duten aktoreen zeregina, esperientzia artistiko osoa bilatuz. Euskal kantagintzako hamarnaka zati entzun ahal izango dira igandean Gezalan, ezagunak, publikora iristen direnak, ikusleak obraren barruan sentiarazten dituztenak. Sarrerak, Kultura sailean eros daitezke aldez aurretik, eta egunean bertan Gezalan. Horiek zortzi eurora daude. Internetez ere eros daitezke aldez aurretik. Obra berbera Urriaren 7an Donibaneko Juanba Berasategi aretoan eskainiko dute, emanaldi bikoitzena: 19:00etan, Agur eta Dolore Kamikaz Kolektiboa eta TTak Teatroaren eskutik izango da, eta 19.30ean, berriz, Ez dok hiru. Jarraian, obraren promozio bideoa:

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.