Kaleak beteko ditu Atlantikaldiak eta baita Jaizkibelgo Igoerak. Hartara hainbat aparkaleku kenduko dituzte eta kaleren bat itxi.
Nafarroa Etorbidea
Kaleak beteko ditu Atlantikaldiak eta baita Jaizkibelgo Igoerak. Hartara hainbat aparkaleku kenduko dituzte eta kaleren bat itxi.
Irailaren 20tik 23ra bitarte oinezkoek izango dute lehentasuna Errenteria-Oreretako hainbat kaleetan. Nafarroa Etorbidea ibilgailurik gabe egon beharko da, esaterako, Aurrera pareko zubia eta Santa Clara plazaren artean. Ezin izango da kotxea bertan utzi. Hala ere, Telleri-Alde ikastetxean eta Lousada kalean aparkatzeko baimena emango dutela iragarri dute.
Trafikoa aldaketak jasago ditu baita ere ordutegi hauetan moztu egingo da. Lehendakari Agirre plaza itxi egingo da kontzertuek irauten duten bitartean: Gaur, hilak 20, 20:00etatik 22:00etara bihar, 20:00etatik 01:00etara eta etzi 20:00etatik 01:00etara. Azken egun honetan, larunbatean, Zamalbide kalea ere itxita egongo da egun osoan zehar.
Kaleez gain Panierreko zubia ere itxiko dute aurreratu dute. Gaur 17:00etatik 22:00etara. Bihar, 17:00etatik 00:00etara eta etzi 10:00etatik 01:30etara.
Era berean, adi egoteko eskatu diote garraio publikoan aritzen denari. Nafarroa Etorbideko trafiko mozketek irauten duten bitartean, Oiartzun-Irun/Hondarribia norabidean doazen autobusak GI-636tik desbideratuko dira. Zumardia, Gabierrota eta Lartzabalgo geltokiak, beraz, ezabatu egingo dira.
Jaizkibelgo igoera
Atlantikaldiaz gain, Jaizkibelgo igoerak aldaketak ekarriko ditu trafikoan. 22 eta 23an izango da lasterketa Errenteria Motor eta Jaizkibel taldeek antolatuta. Larunbatean, 22an, egiaztapen teknikoak egingo dituzte Touring Etorbidean eta itxita egongo da 07:30etik 20:30era.