Itsas kayakeko Euskadiko XIV. Kopa pasaitarrentzat

Itsas kayakeko titulu nagusia bere historian lehen aldiz irabazi du Pasaia Kayakek

olatz mitxelena

2018/09/28

Leketion Euskal Kopako garaipena ziurtatu zuen Pasaia Kayakeko taldea, Amaia Benavente harrobiko palistarekin batera.

Igandean jokatu zen Lekeition Itsas Kayakeko Euskadiko Kopako zazpigarren eta azken proba, eta iragarpen guztiek aurreikusten zuten bezala, pasaitarrek irabazi zuten Kopa. Lekeition, Pasaia Kayakek handitu egin zuen Fortunarekiko zuen aldea, eta Barrikak 22 puntu kendu bazizkion ere (130 bildu zituen Barrikak eta 108 Pasaia Kayakek), bizkaitarrei ezinezkoa gertatu zitzaien pasaitarrek aldez zuten 200 puntutik gorako aldea murriztea. Senior kategorian Aritz Aranetak irabazi zuen proba, nahiz eta Vilagarcia beteranoak aurrez helmugaratu. Rodriguezek, aldiz, laugarren amaitu zuen proba. Horrez gain, Crespo pasaitar gazteak eta Yarza beteranoak osatutako Pasaia Kayakeko K-2ak podiumera igotzea lortu zuten, lan txukuna eginez eta hirugarren postua eskuratuta. Aipatzekoa ere, Amaia Benavente (Donostia Kayak) errenteriarra berriz ere neskarik azkarrena izan zela Lekeition, nagusitasunez. Gauzak horrela, Pasaia Kayak hirugarren izan zen probaren sailkapen nagusian, eta denboraldiko euskal proba guztietan podiuma zapaltzea lortu du emaitza horri esker. Itsas kayakeko titulu nagusia bere historian lehen aldiz irabazi du Pasaia Kayakek, garaipen bikaina taldeak 30 urteurrena ospatzen duen urtean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.