Pasai Antxok Gazteleku berria du

Ostirala eta larunbata arratsaldeetan zabaltzen dituzte Gaztelekuak

olatz mitxelena

2018/10/01

Axular plazan dago Gazteleku berria; 13 eta 17 urte arteko gazteentzako lokala da.

Pasai Antxok Gaztelekua estreinatu berri du, Axular plazan, urteetan Gazte Asanbladak lokala izan duen lokal berean. Duela bi asteburu inauguratu zuten, gazte asko erakarriz. Interneta, komikiak, futbolina, mahai eta estrategia jolasak, play-stationa… denetarik dute eskura Gaztelekura hurbiltzen diren gazteek. Udal zerbitzua 13 eta 17 urte artekoei zuzenduta dago, gazteek elkartzeko toki bat izan dezaten, lagunekin edo adin bereko beste gazte batzuekin gelditzeko. Erabiltzaileei ikastaroei buruzko informazioa erratuko diete, eta egungo gaiei buruzko monografikoak ere antolatuko dituzte gazteekin pentsatuta. Horrez gian, aparteko jarduerak antolatuko dituzte, hala nola, lantegiak, kirol-probak, edota irteerak. Azpiegitura Kantauri Ludiko elkarteak kudeatuko du, eta bi hezitzaile ariko dira bertan lanean. Printzipioz, ostiral eta larunbatetan irekiko dute, 17:00etatik 21:00etara. Hala ere, ordutegi malgua da, eta gazteen beharretara moldagarria. Donibanen eta San Pedron ere badira Gaztelekuak, elkarte berberak kudeatuta, eta zerbitzu berberak eskainiz, eta zerbitzuak oso harrera ona izaten du urtero. Udal Gaztelekuak:

Antxoko Gaztelekua Axular Plazan dago, 7. zenbakiko etxabean.
Trintxerpe-San Pedroko Gaztelekua Gran Sol, 11. zenbakiko etxabean. Tel: 943-248198.
Donibaneko Gaztelekua, berriz, J. J. Otaegi plaza. Tel: 943-517290.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.