Pasaiako kirol emaitzak

Areto Futbolean, Antxoko taldeak hiru puntu gehituta ekin dio denboraldiari.

olatz mitxelena

2018/10/01

Pozik sanpedrotarrak Orereta Kafeari irabazita: hirutik bi irabazi dituzte moreek. Argazkia: Sanpedrotarra FE

Taldeen emaitzei erreparatuta, oro har, jardunaldi ona izan da pasaitarrentzat. Futbolean, 3. Mailan, Pasaia KEk denboraldiko bigarren garaipena erdietsi du San Ignacioren kontra jokatutako partidan, eta Erregionalean, bi talde pasaitarrek irabazi dute; Pasaiak Landetxaren kontra eta Sanpedrotarrak Orereta Kafearen aurka. Txanponaren beste aldean trintxerpetarrak. Zuri-urdinentzat jardunaldia txarra izan da: Gorengo mailetako bi taldeek galdu dute, gizon eta emakumeena. Hockey taldea da Trintxerperentzat hiru puntu gehitu dituen bakarra. Fin ari dira Ipar Ligan, bi jardunaldi jokatu eta bietan irabazi baitute. Areto futbolen, azkenik, Antxoko Areto Futbol taldeak bikain hasi du denboraldia, Alipendiren kontra irabazita, eta oker Pari Berrik Zarautzen kontra galduta. Futbola 3. Maila Pasaia 2 – 0 San Ignacio. 1. Erregional Preferentea Touring 3 – 0 Trintxerpe . 1. Erregionala, Lehengo fasea, lehen multzoa Landetxa 2 – 6 Pasaia. Sanpedrotarra 2 – 1 Orereta Kafea. Emakumeen Gorengo Maila, 1. Multzoa Trintxerpe 0 – Axular 2. Areto futbola Nazional Liga, 3. Maila Alipendi 6 – 7 Afantxo. Gipuzkoako Liga, 3. Maila IDK Pari Berri 1 – 3 Zarautz. Hockey Pasaiako Trintxer Hockey 9 – 0 Ganbegi.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.