Zazpi ikastaro eta bi talde Eraldaketa Feministarako Eskolaren programazio berrian

Ikastaro guztiak doakoak dira eta dagoeneko zabalik da izena emateko epea. Interesdunek, Zu! Zure udala arreta zerbitzura jo behar dute.

Ikerne Zarate

Errenteria-Orereta

2018/10/03

Eraldaketa Fenministarako Eskolan izena eman daiteke. Zazpi tailer eta bi talde antolatu dituzte abendura bitartean.

Hilabete honetan hasi eta abendura artean antolatutako Eraldaketa Feministarako Eskola aurkeztu du Errenteriako Udalak. Zazpi ikastaro eta bi talde, hori eskolak bosgarren ekinaldian dakarren eskaintza. Neska gazteentzako autodefentsa feminista, Autodefentsa feminista, Emakumeak errebeldia alaian, Munduko emakumeen literatura, Emakumeak eta osasuna, Zure burua maitatzen ikasi: autozaintza, eta Soinu ekipoak erabiltzeko oinarrizko tailerra dira martxan jarriko diren tailerrak. Bi talde ere sortuko dituzte: Indarkeriarik gabeko bizitzaren aldeko emakumeak, eta Emakume zaintzaileentzako topagunea. Ikastaro guztiak doakoak dira eta dagoeneko zabalik da izena emateko epea. Interesdunek, Zu! Zure udala arreta zerbitzura jo behar dute. Ikasturte berria, hilaren 5ean, ostiralean, jarriko dute martxan Merkatuzarren 19:00etan Xenpelar Tailerrekin elkarlanean Haizea Barcenillaren Artistak, hala eta guztiz ere. Emakumeak, artea eta historia hitzaldiarekin. Artearen Historian emakumeek jokatu duten paperaz arituko da Barcenilla eta hain emakume artista gutxi ezagutzearen gaineko hausnarketarako bidea ere zabalduko die bertaratzen direnei. Programa osoa hemen kontsulta daiteke.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.