EAJk Adinberri proiektuan parte hartzera deitu ditu herritarrak

Ekarpenak biltzen ari dira Internetez

olatz mitxelena

2018/10/05

Herrera eta Trintxerpe arteko lanak urtea bukatu aurretik amatuko dituztela esan du Nahikari Oterminek.

Gipuzkoako Foru Aldundiak Adinberri proiektuaren gaineko ekarpenak biltzeari ekin dio, eta Pasaiako EAJk bere alkategai Nahikari Oterminen bidez, parte hartzera deitu ditu herritarrak. Etorkizunera begirako hausnarketa sustatu nahi du herritarren artean, zer nahiko luketen pentsa dezaten, adineko pertsonen lekuan jarriz eta etorkizuneko NI horretan kokatuz. “Gizartearen zahartzeak guztioi eragiten digun kontua da eta uste dut modu aktiboan parte hartu behar dugula adineko pertsonen ongizate eta bizi kalitatearen etengabeko hobekuntza horretan” adierazi du Oterminek. Pasaiako Biziberritze Proiektuaren barruan Adinberri proiektua estrategikoa izango dela ohartarazi du, bide batez, Oterminek, eta Trintxerpen egoitza nagusi izango duen proiektua datorren urtean esleituko dutela aurreratu du, 2022rako lanak erabat bukatzeko.”Adinberriri esker Pasaia zahartze aktiboan erreferente izango da eta lanpostu berriak ere sortuko dira” gaineratu du. Oterminen arabera “anbizio handiko eta hektarea asko hartzen dituen proiektu zabala” izango da. Aurten urtea amaitu aurretik Trintxerpe eta Herrera arteko lanak bukatuko dituztela aurreratu Oterminek eta 2019an lurrazpiko aparkalekua eta Adinberri eraikitzeko lanak hasiko dituztela iragarri. Trintxerpeko zaharren egoitzak, guztira, 120 plaza izango ditu, 25 apartamentu, eguneko zentro bat eta ikerketa eta berrikuntzarako gunea.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.