Oreretako gazteentzat bi urteko espetxe zigorra berretsi du Espainiako Auzitegi Nazionalak

Helegitea aurkeztu zuen fiskalak erabakiaren aurrean, eta orain eman du ebazpenaren berri Espainiako Auzitegi Nazionaleko Apelazio Auzitegiak.

Ikerne Zarate

Errenteria-Orereta

2018/10/08

Oreretako gazteak pasa den azaroan irten ziren aske behin behinean.

Iruñeko istiluengatik bi urteko espetxe zigorra berretsi du Espainiako Auzitegi Nazionalak. Auzitegi horrek, bina urteko espetxealdira zigortu zituen Asier Petrirena, Ruben Iglesias eta Endika Etura errenteriarrak eta Julen Pardo beasaindarra pasa den ekainean. Laurei egotzi zien martxoaren 11n Iruñean egin zen manifestazioaren ondorengo liskarretan parte hartzea. Fiskaltzak 7 urteko kartzela zigorra eskatu zuen auzipetu bakoitzarentzat, desordena publiko terroristengatik. Auzitegiak, baina, baztertu egin zuen fiskaltzaren eskaria. Helegitea aurkeztu zuen fiskalak erabakiaren aurrean, eta orain eman du ebazpenaren berri Espainiako Auzitegi Nazionaleko Apelazio Auzitegiak, berretsi egin du bi urteko espetxe zigorra hiru gazte oreretarrentzat, eta Beasaingo beste gaztearentzat. “Terrorismo” ekintzatzat jotzeko, “talde terrorista batek” egin behar duela ekintza esan du Apelazio Auzitegiak, eta ez dela halakorik frogatu dio autoak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.