Antolatu duten jardunaldian, enpresen ardura soziala osatzen duten faktoreak, eta esperientzia konkretuen berri izango dute bertaratzen direnek.
Tknika Zentruan izango da jardunaldia.
Besteei entzun guztiek irabazteko, hori da enpatikonomiaren atzean dagoen filosofia, eta horren gaineko ikastaroa antolatu du Oarsoaldea Garapen Agentziaren Euskara Sailak, Oarsoaldeko lau udalekin elkarlanean Errenterian, hilaren 18an, enpresei begira.
Enpresa aurreratua izateko, irabazi ekonomikoei ez ezik, eragin eremuko komunitatearen garapenari ere erreparatu behar zaiola diote antolatzaileek, “Enpresa aurreratuek jendartearekiko konpromisoa dute iparretako bat, jokabide horrek enpresaren iraunkortasunari ere laguntzen diolako. Bide horretan ingurumenak, berdintasun politikak, lana eta familia orekatzeko kontziliazio neurriak, bertako hizkuntza eta kulturarekiko begirunea edota gertuko jendartearekiko zein garapen bidean dauden herrialdeekiko konpromisoak enpresa gehienetan bere lekua aurkitzen ari dira. Horiexek dira, besteak beste, gaurko eta biharko enpresa arrakastatsuek gainditu beharreko erronkak”.
Antolatu duten jardunaldian, enpresen ardura soziala osatzen duten faktoreak, eta esperientzia konkretuen berri izango dute bertaratzen direnek. Horrez gain, Oarsoaldean nahiz eskualdetik kanpora zabaltzen ari diren joerak eta lantzen ari diren planak ere ezagutzeko aukera izango dute: hizkuntzen kudeaketa egokiak betetzen duen papera aztertuko dute, edota engaiatu metodologiaz arituko dira. Azken hori, errenteriako enpresa txiki eta merkataritza saltokiek ingurunea eraldatzeko duten ahalmena neurtu eta aitortzeko garatu dute. jardunaldian emaitzen berri emango dute.
Jardunaldia, Tknika, Errenteria-Oreretako Lanbide Heziketaren berrikuntza eta ikerkuntza zentroan izango da 09:45etik 14:00etara izango da. Parte hartu nahi dutenek Oarsoaldea Garapen Agentziaren 943 49 41 29 telefono zenbakira deitu behar dute edo,
posta elektronikora mezua bidali.
Egitarua
- 09:45 – 10:00: hasiera. Ongietorri kafea
- 10:00 – 10:10: Aurkezpena. Hizlariak: Julen Mendoza (Errenteriako alkatea) eta Iñaki Mujika Aizpurua (Tknikako zuzendari exekutiboa)
- 10:10 – 10:50: Los Objetivos de Desarrollo Sostenible en la empresa, claves para avanzar hitzaldia, Arantza Acha de la Presarekin (UNESCO Etxearen zuzendaria)
- 10:50 – 11:30: Enpresa, erantzukizun soziala eta hizkuntzak hitzaldia, Karmelo Ayesta Sagarduyrekin (Eratuz, Koop. Elk.)
- 11:30 – 11:50: Solasaldia hizlariekin
- 11:50 – 12:15: Atsedena
- 12:15-12:55: Engaiatu metodologia Errenterian hitzaldia, Aitziber Salaberria Arregiren eskutik (Elhuyar Fundazioko teknikaria)
- 12:55 – 13:35: Gipuzkoa, enpresak eta erantzukizun soziala hitzaldia, Garikoitz Agote Alberrorekin (Gipuzkoako Foru Aldundiko Industria Sustapeneko zuzendaria)
- 13:35 – 13:55: Solasaldia hizlariekin.
- 13:55 – 14:00: Itxiera, Miguel Angel Sanchez, Oarsoaldea Garapen Agentziaren ordezkariarekin.
