Lehen partidan kale
Egia Kopidinen kontra 22-20 galdu du Donibane Eskubaloiak.
Galduz hasi du Liga Donibane Eskubaloiak. Larunbatean jokatu dute denboraldiko lehen partida, Egiaren kontra, eta 22-20 galdu dute arrosek.
Partidaren lehen zatian oso pareko aritu ziren bi taldeak, kontrario zuzenak. Defentsan tinko bi taldeak, 11-11 iritsi ziren atsedenaldira.
Gorabeheratsuagoa izan zen partidaren bigarren zatia. Hasieran arrosak aurreratu ziren markagailuan baina berehala galdu zuten abantaila. Gainera, arazo fisikoak tarteko, Jon Gajatek jokatzeari utzi behar izan zion, eta partidaren azken aldean akats gutxien egin zituen taldeak irabazi zuen lehia, 22-20.
Jokalariak eta golak
- Haritz Perez 7.
- Jon Gajate 4.
- Aritz Frias 2.
- Jose Luis Gonzalez 2.
- Beñat Urkia 2.
- Jokin Batalla 1.
- Xabi Mate 1.
- Iñigo Nogues 1.
