Urteurrena merezi duen moduan ospatu nahi du elkarteak, bazkideekin, baina ez haiekin bakarrik, baita gainontzeko herritarrekin ere, eta horri begira egitarau zabala prestatu du datorren asterako.
Mintzalaguna programaren aurkezpena joan den urrian.
Lau Haizetara Euskaltzaleon Topaguneak 25 urte bete ditu aurten. Mende laurdena darama, euskara hauspotzen, arnasguneak zabaltzen, azken batean euskara erdigunean jartzen eta horren inguruan sareak zabaltzen. Mintzalaguna, Kadrillategi, Aiko Maiko, Lau Haizetara aldizkaria, kantu jira, Xenpelar Bertso Eskola, motibazio saioak ikastetxeetako DBHko ikasleekin, euskararen eguna, Olentzero eta Mari Domingi, Gaztain Erre… hamaika ekitaldi, iniziatiba eta proiektu egosi dira topagunearen sukalde goxoan. Batzuk ez dira jada, beste batzuk oraindik bai, eta berriak sortzeko hausnarketan ariko da bateren bat.
Urteurrena merezi duen moduan ospatu nahi du elkarteak, bazkideekin, baina ez haiekin bakarrik, baita gainontzeko herritarrekin ere, eta horri begira egitarau zabala prestatu du datorren asterako.
Lau Haizetara Topagunearen ibilbidea erakutsiko duen erakusketak astelehenean (hilak 22) zabalduko ditu ateak eta 26ra arte izango da hura bisitatzeko aukera Merkatuzarren 18:00etatik 20:00etara. Erakusketa zabaltzearekin batera, luntxa ere antolatu dute, 19:00etan.
Euskaraldiaren sustatzaile nagusi da, gainera, elkartea, eta urteurrena ospatzeko astearen barruan egingo ditu Euskaraldiaren, ahobizi eta belarripresten formazio tailerrak. Datorren asteartean (hilak 23) izango da lehenengoa, eta ostegunean (hilak 25) bigarrena, 18:00etatik 20:00etara Merkatuzarren.
Solasaldia ere antolatu dute. Azken hori Mikelazulo Kultur Elkartearekin elkarlanean hilaren 24rako (asteazkena)
EH: 12 hizkuntza gutxitutako aktibisten etxea goiburuarekin. 19:00etan izango da solasaldia Mikelazulon.
Jatekoak ezin ziren falta, eta mahaiaren bueltan amaituko dute urteurrenaren ospakizun ekitaldi sorta hilaren 27an(larunbata). Landare elkartean izango da bazkaria eta antolatzaileek bertsolariak eta sorpresak izango direla zehaztu dute. Txartelak
Lau Haizetara Euskaltzaleon Topagunearen posta elektronikora mezua bidalita, eta 943 34 01 43 telefono zenbakira deituta eska daitezke.
