Allerruren gizonen eta emakumeen talde nagusiek ligako partidak irabazi egin dituzte. Hil berri den Urnietako gaztea gogoan izan dute Plazetan.
Allerruko eta Hernaniko kirolariak, hildako gazte urnietarraren aldeko pankartarekin.
Allerruren bi talde nagusiek, gizonen Erregional Ohorezko Preferente Mailakoak eta Emakumeen Erregional Gorengo Mailakoak irabazi egin dute asteburuan, emaitza bikainak eskuratu dituzte. Gizonen taldeak sasoiko lehen garaipena lortu zuen Hernani 2-0 gaindituta Plazetan, eta zulotik ateratzeko goraldia hasi du. Eta emakumeek Herrerako Sporting oso erraz gainditu zuten atzo goizean, 0-17 emaitza adierazgarriarekin. Horrela, sailkapenaren goiko aldean jarri dira emakumeak, hirugarren.
Gizonen partidan, gainera, Donostiako Aste Nagusian erasoa jasan zuen Urnietako gaztea gogoan izan zuten. Ospitalean oso larri egon ondoren, joan den astean hil egin zen eraso horren ondorioz. Allerruko jokalari baten kuadrillakoa zen gazte urnietarra, horregatik, partida hasieran Allerruko eta Hernaniko taldeek elkarrekin babes mezua, eta justizia eskaera helarazi zuten, goiko argazkian ikus daitekeen moduan.
Eskubaloian Munttarpeko gizonek Bidasoa Irun sendo garaitu zuen, emakumeen taldeak galdu zuen bitartean. Areto futboleko bi taldeek ezin izan zuten punturik eskuratu, eta Kurkubi saskibaloi taldeak huts egin zuen lehian zen lehen jardunaldian.
Jarraian, Lezoko kirol talde nagusien emaitzak, zerrendan:
FUTBOLA
Gizonen Erregional Ohorezko Maila
Emakumeen Erregional Gorengo Maila
- Herrerako Sporting-Allerru 0-17
Gizonen Gazteen Ohorezko Maila
Gizonen Gazteen Lehen Maila
ESKUBALOIA
Gizonen Gipuzkoako Lehen Maila
- Munttarpe-Bidasoa Irun 33-27
Gipuzkoako Emakumeen Liga
ARETO FUTBOLA
Gizonen Gipuzkoako Lehen Maila
- Lauburu Ibarra-Gaintxu AFT 4-3
- Jaixki AFT-Euskalduna 3-6
SASKIBALOIA
Gizonen Gipuzkoako Hirugarren Maila
- Aloña Mendi-Kurkubi 54-49
