Gobernu taldeak %1 igotzea proposatutako hainbat zerga eta tasa izoztu, eta hainbat hobari ere proposatu ditu.
PSE-EEko Isaac Palencia eta Jose Angel Rodriguez bozeramailea. Argazkia: PSE-EE
Gobernu taldeak
ordenantza fiskalak aurkeztuta, oposizioko alderdiek beren proposamenak aurkeztu dituzte. PSE-EEk, gobernu taldeak %1 igotzea proposatutako hainbat zerga eta tasa izoztu, eta hainbat hobari ere proposatu ditu. Aurkeztu duten ordenantza fiskalen proposamenak “aberastasuna birbanatzako politikak” egiteko eta ekonomikoa suspertu eta herriko familiak babesteko aukera ematen duela, azken horiei zerga presioa areagotu gabe.
Udalak azken urteetan izandako aurrezpenari begira jarri da alderdi sozialista: “Aurrezki kopuru garrantzitsua lortu du azken urteetan diruzaintza soberakinekin, 2 miloi euro joan den ekitaldian, eta gainera, foru aldundiak Foru Funtsetik aurreikusitakoa baino 970.000 euro gehiago aurten, eta datorren urtean berriz, aurreikusitakoa baino 758.000 euro gehiago jasoko dituela Errenteriako Udalak jakinarazi berri du. Datu horiekin, garrantzitsua da zerga presioa mantentzea, are gehiago gure eskualdea zonalde degradatua denean”.
Udalak duen “egoera ekonomiko onarekin” bat datozen ordenantza fiskalak eskatu ditu, “herritarrak arinduko dituztenak kaltetu beharrean igoerarekin”. Horrenbestez, gobernu taldeak proposatutako Ondasun Higiezinaren Zerga eta Trakzio Mekanikoko Ibilgailuen gaineko Zergaren %1eko igoera izoztea eskatu du alderdi sozialistak. Beste hainbeste Ur eta Estolderia tasan, kontsumoari dagokionean izan ezik. Hondakinen bilketa eta ezabaketaren tasan, %1eko igoera mantendu du PSE-EEk egindako proposamenean.
Hobariak ere eskatu ditu, enpresa berriak sortu edota aldaketa klimatikoaren aurkako neurriak hartzeagatik, “bilgailu elektriko edota hibridoen erostea sustatuz, eta ingurumena babestea bultzatzeko”. Enpresa berriak sortzeko bultzatzeko Ondasun Higiezinen Zergan eta Jarduera Ekonomikoen gaineko Zergan %50eko hobaria ezartzeko eskatu du enpresa berriei lehen urtean. Birziklatzen duten herritarrei berriz, %30eko hobaria ezartzea eskatu dute, bestalde. Trakzio Mekanikoko Ibilgailuen gaineko Zergaren hobaria %75era igotzea, ibilgailu elektrikoak kargatzeko guneak egiteko
Konstrukzio, Instalazio eta Obren zergan %95eko hobaria, eta iraunkorragoak diren ibilgailuak erostea sustatzen duten enpresei edo ibilgailu elektrikoak kargatzeko guneak ezartzen dituztenei Jarduera Ekonomikoen gaineko Zergan hobariak ezartzea.
Errenteria Musikal eta Udal Euskaltegiarekin lotutako aldaketak ere proposatu ditu alderdi sozialistak ordenantza fiskaletan, “matrikula bertan behera uzteko aukera izan dezaten ikasleek gaixotu direlako, edota beren lehen graduko senideren bat gaixotu delako”.
