Hamaikakoak joko zelaian, eragileen atxikimenduak pilatzeko ordua da

Asteburuan egin dira Euskaraldiaren aurkezpenak Antxon eta Trintxerpen, eta aurretik egin dira Donibanen eta San Pedron.

olatz mitxelena

Pasaia

2018/10/22

Euskaraldirako hamaikakoaren aurkezpena Pasai Antxon.

Pasaiako lau barrutietan egin dira jada Euskaraldirako hamaikakoen aurkezpenak, eta honenbestez publikoa da jada azaroaren 23tik abenduaren 3ra bitartean hizkuntza ohiturak astindu nahi dituen ariketa erraldoi kolektiboaren sustatzaile lanetan ariko direnen zerrenda. Aurpegi oso ezagunak daude hamaikakoetan, erreferenteak Pasaiako askotariko adin tarte eta sektoreetan. Kirolariak, merkatariak, musikariak, aktore eta dantzariak, gazteak, helduak, aiton-amonak … denetarik da Pasaiako Belarripretsen eta Ahobizien zerrendan. Hamaikakoak joko zelaian, atxikimenduak lortzea da orain helburua, ahalik eta gehien, iniziatiba behar bezala sustatzeko, eta jendartearen ahalik eta esparru zabalagoetara iristeko.

San Pedroko hamaikakoaren aurkezpena lehengo ostegunean egin zuten.

Izena ematea ezinbestekoa da 16 urtetik gorako herritarrek parte har dezakete Euskaraldian, eta horretarako aldez aurretik izena ematea ezinbestekoa da. Bi modutan har daiteke parte: Belarriprest modura edota Ahobizi gisa. Pasaian hiru modu daude izena emateko: Internet bidez, HAZ bulegoen bitartez, edota udal liburutegietan izen-emate orriak beteta. Antolatzaileek ohartarazi dute, Donibanen eta Antxon aurrez egin diren entseguetan izena eman zutenek bigarrenez eman beharko dutela izena Euskaraldirako.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.