Idoia Besada izan da Euskal Herriko onena, bosgarrenez

42. Euskal Herriko Dantza Solte Txapelketa irabazi du antxotarrak Seguran, Xabier Artola bikotekidearekin.

olatz mitxelena

2018/10/22

Ibilbide luzea eta oso arrakastatsua du Idoia Besada pasaitarrak dantza soltean.

Idoia Besadak irabazi du beste behin Euskal Herriko Dantza Solte Txapelketa, eta honekin bosgarren txapelketa du jarraian dantzari antxotarrak, Irurako Xabier Artola bikotearekin azkeneko hirurak. Ohi bezala Seguran lehiatu da atzo Euskal Herriko dantzari onenak biltzen dituen lehia, 42. aldian. Besadarekin batera, besteak beste, dantzari lezoarrak nabarmendu dira oholtza gainean. Iker Sanz, garai batean Besadarekin dantza aritutako lezoarra bigarrena izan da, Villabonako Ane Urruzolarekin dantzan aurtengoan, eta bikote irabazletik puntu bakarrera. Lezoarra ere txapelketako bosgarren bikotea, Maider Aginaga eta Iker Belintxonekin. Guillermo Arizaga Saria irabazi dute lezoarrek, Dantza txapelketaren sortzaile eta sustatzailearen omenezko saria, “lehengo aldiz parte hartu eta ongien sailkatutako” bikotea izateagatik. Sariak:

Idoia Besada eta Xabier Artola. Pasaia-Irura (74p)
Ane Urruzola-Iker Sanz. Villabona-Lezo (73p)
Larraitz Larrañaga-Amets Amubieta. Azpeitia (69p).

Dantza Jantzien Saria: Idoia Besada eta Xabier Artola. Guillermo Areizaga Saria. Maider Aginaga eta Iker Belintxon. Lezo Arabako Foru Aldundiaren Saria. Sara Chaves eta Gorka Etxeandia. Gasteiz Lapurdiko Euskal Kultur Erakundearen Saria. Oihana Dottax-Pierre Latasa. Ainhoa-Urruña

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.