Maddi Fernandez lezoarra garaile izan da Euskal Bodyboard Zirkuituan jokoan izan diren bi probetatik bitan. Beste bi lehia gelditzen dira.
![maddi.fernandez](http://oarsoaldea.hitza.eus/site/files/2018/10/maddi.fernandez.png)
Maddi Fernandez, Mundakako proba irabazi zuenean.
2018ko Euskal Bodyboard Zirkuituan bi proba egin direnean, Maddi Fernandez lezoarrak garaipena besterik ez du ezagutzen. Irailaren 23ko asteburuko proban (Sopelan, Bizkaian) lehen postua lortu zuen, baita Zumaiako Itzurun hondartzan urriaren 13an egin zenean ere. Bitik bi lezoarrarentzat. Lider doa, zalantzarik gabe, sailkapen nagusian.
Zirkuituak beste bi proba izango ditu. Abenduaren 1-2, 8-9 eta 15-16 artean Mundakan (Bizkaia) burutuko da hirugarrena. Eta laugarrena ere Bizkaian izango da, Lemoiz inguruan, oraindik zehaztu gabeko datan.
Euskal zirkuitukoak ez dira Fernandezen garaipen bakarrak. Uztailean, esterako, Gipuzkoako Txapeldun izan zen surfaren modalitate horretan.