Azaroaren 3a (larunbata) izango da izena emateko azken eguna eta parte hartu nahi dutenek, Arkaitza, Etxe Ondo, Gailur, Landare, Lantxeta, Reina, Sindikato, Xera edo Zuketz tabernetara jo beharko dute.
Hirugarrenez antolatu dute mus txapelketa.
Sare Herritarrak mus txapelketa antolatu du hirugarrenez Errenteria-Oreretako tabernetan. Azaroaren 3a (larunbata) izango da izena emateko azken eguna eta parte hartu nahi dutenek, Arkaitza, Etxe Ondo, Gailur, Landare, Lantxeta, Reina, Sindikato, Xera edo Zuketz tabernetara jo beharko dute. Izena emateko garaian ordaindu beharko dute, 15 euro bikoteko, eta telefono zenbakia eta posta elektronikoa zehaztu jakinarazpenak helarazteko.
Zortzi erregera jokatuko dute txapelketa 40 tantoko lau usteleko partida bakarrera. Izena eman duten bikoteen artean zozketa bidez jokatuko da txapelketa aurrekoa Xera Gastrotekan, azaroaren 7an, Arkaitza, Gailur, Landare eta Lantxeta tabernetan final hamaseigarrenak; Reina eta Sindikato tabernetan final zortzirenak; Zuketzen, final laurdenak; eta Etxeondo tabernan, finalerdia eta finala abenduaren 5ean.
Partidak astelehen eta asteazkenetan jokatuko dira 20:00etan, 15 minutuko malgutasunarekin, eta egunak prentsa, posta elektronikoz edota telefonoz jakiaraziko dituztela esan dute antolatzaileek. Lehen zortzi bikoteek jasoko dute saria. Final erdia eta finala 19:00etan hasiko dira. Agertzen ez den bikoteak, jolasteko aukera galduko du.