Altamira auzoko lur azpiko aparkalekuak eta ingurua berrituko dituzte

Altamira auzoan lur azpiko garajeak dauzkatenak eta Lezoko Udala ados jarri dira bertan (lur azpian eta kalean) egin beharreko lanei ekiteko.

Urko Etxebeste Petrirena

Lezo

2018/10/31

Altamira auzoaren artxiboko irudia.

Lezoko Udalak akordioa egin du Altamira auzoan lur azpiko aparkalekuak dauzkaten jabeekin. Horren arabera, auzoko bizilagun diren garajeen jabeek 150.000 euroko inbertsioa egingo dute garajeak berritzeko; udalak, berriz, garaje eremu horren gaineko zorua berritu eta txukunduko du, 255.000 euro erabiliz horretarako. Hau da, garajeen gaineko plaza eta aparkalekuak hobetuko ditu. Laster hasiko da lanen esleipen prozesua. Lezoko Udalak bidalitako oharrean nabarmendu du honen aurretik beste hainbat lan egin direla auzoan agintaldi honetan: haur jolastokia berritu du, bizilagunen elkartearen espaloia egokitu du, zebra bidea altueran jarri du, auzora joateko biribilgunean era espaloian berritasunak daude… “Bestalde, aurten bertan parte hartze prozesua burutu du udalak auzotarrekin, auzoa zein iniziatiba bidez hobetu eta anfiteatroa biziberritzeko zer egin erabakitzeko”, adierazi du udalak. Horretarako hirigintza proiektua lantzen ari da Lezoko Udala.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.