Sei gai aukeran inauterietan Errenteria-Orereta mozorrotzeko

Jostailu eta jolasak, Asterix eta Obelix, Barrio Sesamo, Munduko Herriak, Erdi Aroa eta Zirkua dira Inauteri Batzordeak proposatu dituen gaiak.

Urko Etxebeste

Errenteria-Orereta

2018/11/02

Iazko inauterietako irudi bat.

Inauterietako Batzordea lanean da. 2019ko herriko inauteriak kolorez eta jendez bete nahi dituzte. Eta horri begira, erabaki garrantzitsuak hartzeko garaia iritsi da. Lehena, zertaz mozorrotu herria, zein gai aukeratu herriko inauteriei mamia emateko. Sei gai proposatu ditu Inauteri Batzordeak. Honakoak dira:

Jostailu eta jolasak.
Asterix eta Obelix.
Barrio Sesamo.
Munduko herriak.
Erdi Aroa.
Zirkua.

Proposamenak azalduta, orain herritarren txanda da. Errenteriarrrek aukeratu behar dute zein gai hautatu inauterien erdigune izan dadin. Eta horretarako, aukeraketa egiteko, botoa emateko alegia, hainbat bide jarri ditu udalak:

Herri Biziaren webgunearen bidez, inauterien ataletik.
Udal eraikinetan jarritako boto kutxen bitartez: udaletxean, Merkatuzarren, Niessen Kulturgunean, udal liburutegietan, Xenpelar Etxean eta Fanderiako nahiz Galtzarabordako kiroldegietan daude.

Botoa emateko epea gaur (ostirala) zabaldu da. Hilaren 14ra arteko epea dago sei gaien artetik bat aukeratzeko. Gai irabazlearen berri hilaren 22an emango dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.