Zuri-gorriei harrera udaletxean
2-1 irabazi dio Pasaiak Zamudiori asteburuan.
Larunbata goizean harrera egin zien Izaskun Gomez alkateak Pasaia KEko jokalari eta arduradunei, Hirugarren Mailara igo izana eskertzeko. Opari bana jokalariei, eta esker oneko hitzak taldearen alde egindako lan eskergarengatik.
Harreran alkateak nabarmendu bezala, kategoria berrian hamabigarrenak dira orain zuri-gorriak. “Partida asko geratzen dira baina ziur naiz zuen joko onari jarraipena eman eta kategoriari eutsi egingo diozuela inongo arazorik gabe”, adierazi zuen Izaskun Gomezek.
Eta goizeko hitzak berrestera, arratsaldeko partida etxean, Don Boscon, Jesus Mari Zamora zelaian. 2-1 irabazi zuten zuri-gorriek, urrezko hiru puntu gehituta.
Erasokor zelairatu zen Zamudio, baina Pasaiak kontrarioen gol aukera guztiak zapuztu egin zituen partidaren hasieran, eta 40. minutuan korner baten ondoren Bernalek sartutako golari esker markagailuan aurreratu zen Antxoko taldea.
Hala ere, laster lortu zuen banakoa Zamudiok, eta atsedenaldia berdinduta irten ziren bi taldeak.
Garaipenaren gola 62. minutuan lortu zuen Pasaiak, Tarragonak korner baten ondorengo aldaratze bat jaso eta baloia Zamudioren atepean saretuta.
Azken partidarako baloia Leunda jatetxeak eman du eta zelaiko zoketan saritutako zenbakia 484 izan da.
Hurrengo partidaBalmasedaren kontra dute, haien etxean, larunbatean 18:00etan.
