Ibilbide historiko bat da, Albaolak udalaren eta aldundiaren laguntzaz garatutakoa
Mikel Leoz eta Izaskun Gomez, amarratze historikoetako bat erakusten, Donibanen
Baliabide turistiko berri bat da, Pasaiako historian oinarrituta. Horixe, funtsean, gaur goizean Albaolak eta udalak aurkeztu duten Amarren Ibilbidearen funtsa. Aurkezpenean Albaola elkarteko itsas ondarearen teknikari Mikel Leoz eta Pasaiako alkate Izaskun Gomez izan dira. Beraiek azaldu dituzte herrira datozen bisitariei proposatuko dieten ibilbide berriaren gainekoak, Donibanen.
Albaolako Mikel Leozek azaldu duenez, “herritar gehienentzat ezezaguna zen historia bat ezagutzera emateko asmoz” garatu dituzte edukiak, “ibilbide historiko bat proposatuz, eta itsas ondarearen gaineko interesa dutenei Pasaia beste era batera ikusteko aukera eskainiz”.
Ibilbidean ikus daitezkeen amarretako batzuk, kanoi zaharrak dira, XVII.mendetik aurrera balio ez zuten kanoiak ontziak amarratzeko erabiltzen zituztelako. Denen begietara dauden kanoiak dira, baina inork gutxik zekien orain arte zer ziren eta zertarako erabiltzen ziren. Kanoiez gain, haitzetan egindako zuloak, seguruenera erdi arokoak, eta amarratze blokeak identifikatu dituzte ibilbidean.
Errealitate areagotuko doako aplikazio bidez
Ibilbideak itsasontzia lotzeko zazpi gune historikoen berri emango du, horietatik hiru Donibanen eta lau San Pedron. Zazpi toki, eta horietako bakoitzean plakatxo bat, ibilbiderako propio garatu duten Errealitate Areagotuko APParekin erabiltzeko.
Amarre Pasaia izena du APPak, doakoa da, eta Android sistemako Smartphonekin erabilgarria. Erabiltzaileek plakari argazkia egin eta gune historiko horren gaineko informazio zabala lortuko dute, testu eta argazki bidez. Euskaraz, gaztelaniaz, ingelesez eta frantsesez dago erabilgarri.
Ibilbidearen gaineko informazioa gehiago Turismo Bulegoan topa daiteke. Izan ere, Izaskun Gomez alkateak nabarmendu duenez, “baliabide turistiko berri bat da, herriko iragana eta historiari lotutakoa”.
Ibilbideak itsasontzia lotzeko zazpi gune historikoen berri emango du, horietatik hiru Donibanen eta lau San Pedron. Zazpi toki, eta horietako bakoitzean plakatxo bat, ibilbiderako propio garatu duten Errealitate Areagotuko APParekin erabiltzeko.
Amarre Pasaia izena du APPak, doakoa da, eta Android sistemako Smartphonekin erabilgarria. Erabiltzaileek plakari argazkia egin eta gune historiko horren gaineko informazio zabala lortuko dute, testu eta argazki bidez. Euskaraz, gaztelaniaz, ingelesez eta frantsesez dago erabilgarri.
Ibilbidearen gaineko informazioa gehiago Turismo Bulegoan topa daiteke. Izan ere, Izaskun Gomez alkateak nabarmendu duenez, “baliabide turistiko berri bat da, herriko iragana eta historiari lotutakoa”.
