Adin txikikoen eskubideak aldarrikatuko dituzte Pasaian

Haurrek ekintza plana landu dute eta bihar (hilak 20) aurkeztuko dute publikoki, Haurren eta Nerabeen Eskubideen Aldeko Nazioarteko Egunean.

olatz mitxelena

Pasaia

2018/11/19

Herriko ikastetxeetako ikasleak, Izaskun Gomez alkateaegitasmorako landutako logotipoa aurkezten, 2016. urtean.

Hamar urte dira Pasaiako Udalak adin txikikoen eskubideen gaiari heldu ziola, eta ordutik lan mardula egina dute norabide horretan udalerrian. Bihar (hilak 20), Haurren eta Nerabeen Eskubideen Nazioarteko Egunarekin bat eginez, beste aurrera urrats bat egingo dute norabide horretan adin txikikoekin lan egiten duten askotariko eragileek: diagnostikoa eta ekintza plana aurkeztuko dute haurrek, 09:30ean, Donibaneko Juanba Berasategi kulturgunean. Haurrek gidatutako dute ekitaldia, eta beraiek egindako diagnostikoa eta ekintza plana aurkeztuko dute. Entzule eta hartzaile, besteak beste, Izaskun Gomez alkatea. Bihar goizekoa, edonola ere, ez da izango ospakizunaren testuinguruan antolatutako ekitaldi bakarra. Ipuin kontaketak, antzerkia, jolasak, txokolate-jatea… ekitaldi ugari izango dituzte aukeran aste honetan adin txikiko pasaitarrak. Egitaraua

Bihar, asteartea

09:30: Pasaiako ikastetxeetako haur eta nerabeek Diagnostiko eta Ekintza Plana aurkeztuko dute Donibaneko kulturgunean.
17:00: Ipuin kontaketa Donibaneko ludotekan.
18:00 Jolasak eta txokolate-hartzea Donibaneko frontoian.

Etzi, asteazkena

17:00: Ipuin kontaketa San Pedroko ludotekan.

Hilak 22, osteguna

17:00: Ipuin kontaketa Antxoko ludotekan.

Hilak 23, ostirala

12:00: Ekintza bereziak Pasaiako hezkuntza komunitateetan.
18:00: Puxikak puztu Azkuene kalean.
18:30: Kalejiraren irteera Sardina bakalau kale antzerkiarekin.
19:00 Txokolate jatea Serafin Esnaola plazan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.