Pablo Malok irabazi du Ikuskako zuzendari onenaren saria

'Tarde para el recreo' aurkeztu du Malok Pasaiako film laburren jaialdian

olatz mitxelena

2018/11/20

XX. Ikuskan saritutakoak, Trintxerpeko alkateordetzan, sariak banatzeko ekitaldian.

Larunbatean bukatu zen XX. Ikuska, ohi bezala, sari banaketa eta saritutako film labur guztien proiekzioarekin, Trintxerpeko alkateordetzan. Aurtengo jaialdian, besteren artean, Pablo Malo zuzendaria nabarmendu da. Bi sari jaso ditu zinegileak, biak Tarde para el recreo lanarengatik: zuzendari onenaren saria eta ikuslegoaren saria. Aitortza garrantzitsua urteetan Ikuskako epaimahaikidea izan den zine zuzendariarentzat. Film labur onenaren saria, aldiz, Matria izenburuko lanarentzat izan da, Alvaro Gago Diazek zuzendutakoa. Gizon aktore onenaren saria Carlos Restak irabazi du, Romina Tamburellok zuzendutako Rabia filmean egindako lanarengatik, eta Emakume aktore onenarena, berriz, Emilie Launayrentzat izan da, Arthur Bacryk zuzendutako Une Place filmean antzeztutako paperarengatik. Epaimahairen sari berezia, aurten, Jose Luis Santosen Le Vivre Ensemble lanarentzat izan da, eta aurtengo sari berria, epaimahai gaztearena, Kutxa Kulturrek sustatua, Jose Corralek zuzendutako Un cuento familiar lanarentzat. Euskarazko lan onenaren Mintzagun Saria, azkenik, Ruben Rosasen Atsolorra filmak jaso du.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.