Herritarrak indarkeria matxistaren kontrako jarrera adieraztera deitu ditu udalak
Azaroaren 25ean indarkeria matxistaren aurkako salaketa kalera ateratzea dela lehentasuna esan du udalak.
Emakumeen indarkeriaren eta sexu erasoen aurrean dauden baliabideak biltzen dituen gida aurkeztu du udalak.
Auzoetako emakumeek berriz, Volar dokumentalaren emanaldia antolatu dute. Indarkeria matxista jasan duten bederatzi emakumeen testigantzak jasotzen ditu film horrek. Azaroaren 29an izango da hori, 18:00etan hasita Pontikako auzo elkartean.
Azaroaren 25ean garrantzitsuena kalera atera eta salaketa soziala egitea dela nabarmendu du berdintasun zinegotziak, eta horretarako Oreretako mugimendu feministak egun horretarako antolatu duen manifestazioarekin bat egitera deitu ditu herritarrak. Erasoen aurrean, emakumeok armatu gaitezen goiburuarekin 18:00etan abiatuko da manifestazioa Zumarditik. Horrekin batera, ekintza sorta zabala antolatu du A25ari begira mugimendu feministak. Baliabide eta zerbitzuen gida Emakumeen indarkeriaren eta sexu erasoen aurrean dauden baliabideak biltzen dituen gida aurkeztu du udalak. Emakumeen kontrako indarkeria zer den azaltzen du gida horrek eta indarkeria mota ezberdinak identifikatzeko adibideak azaltzen dira. Horrekin batera, orientazioa, informazioa, aholkularitza eta sostengua eskaintzen duten zerbitzuak biltzen dira. Gidarekin batera, baliabide eta zerbitzu horien kontaktuak biltzen dituen txartela ere argitaratu dute. Indarkeriarik gabeko bizitzaren aldeko emakumeak gunea martxan dela asteazkenero Merkatuzarren 17:30etik 19:30era, gogorarazi du Lopez de Exezarretak, bestalde, “indarkeriari aurre egiten ari diren edo aurre egin dioen emakumeei zuzendutakoa da gunea. Beldurra, tristura, errua, lotsa, isolamendua eta bestelakoekin lan egin, eta barrutik hasita indarrarekin birkonektatzeko gunea da. Gunea malgua da ez da derrigorrezkoa saio guztietara joatea eta tarteka gorputz terapiak eskaini ohi dira”. Errenteriako Berdintasun Kontseiluak dei egin die errenteriarrei emakumeen aurkako indarkeriaren kontrako jarrera adieraztera eta salatzera. Egitarua- Bihar, ostirala: Errenteria tratu onaren alde Errenteriako ikastetxeetako ikasleek egindako lanen erakusketa zabalduko dute Zumardi Txikian abendaren 16ra arte.
- Hilak 25, igandea: Erasoen aurrean emakumeak armatu gaitezen manifestazioa mugimendu feministak deituta 18:00etan Zumarditik abiatuta.
- Hilak 29, osteguna: Volar dokumentala Pontikako auzo elkartean, auzoetako emakume elkarteek antolatuta.
- Asteazkenero Indarkeriarik Gabeko Bizitzaren Aldeko Emakumeak taldea 17:30eik 19:30era Merkatuzarren, Eraldaketa Feministarako Eskolaren barruan.
