29 kirol elkarte eta kirolariren eskaerei erantzun die Kirol azpisailak diru laguntzak emateko garaian, eta horretaz gain, diru laguntza nominatiboa emateko bost hitzarmen sinatu ditu.
Kirola sustatzeko 400.000 eurotik gorako laguntzak eman ditu udalak aurten.
Kirola sustatzea helburu duten ekintzetara 418.900 euro bideratu ditu aurten Errenteriako Udalak. Kirol alorrean egindako inbertsioa mantenduta jarduera fisikoa sustatzearekin duen konpromisoa berretsi duela azaldu du kiroletako azpisailak. 29 kirol elkarte eta kirolariren eskaerei erantzun die Kirol azpisailak diru laguntzak emateko garaian, eta horretaz gain, diru laguntza nominatiboa emateko bost hitzarmen sinatu ditu.
Laguntzen bidez, kirola sustatu nahi duela esan du udalak, “baita modalitate ezberdinetako klubak, ikastetxeak, elkarteak edo kirolariak laguntzea, kirol egokituaren bidez dibertsitate funtzionala duten pertsonak integratzea eta kirol jarduerak garatzea sustatzea ere”. Elkarteen ohiko jardueretara 21.978, 19 euro bideratu ditu udalak; ez ohiko jarduerak eta kirolariak laguntzeko 13.599,77 euro; Eskola Kirola sustatzeko ikastetxeek guztira 79.274,91 euro jaso dituzte, eskola kirolaren egiturak sortu eta kudeatzeko eta begiraleak kontratatzeko. Eskola igeriketa kanpaina ere finantzatu du udalak aurten, 18.000 euro bideratuta. Kanpaina horretan 306 haurrek hartzen dute parte.
Hitzarmenak, berriz, Touring, EPLE, Ereintza Eskubaloia, eta Hibaika Arraun Elkartearekin sinatu ditu udalak. Mindara elkartearekin ere sinatu du hitzarmena eta 10.500 euroko diru laguntza jaso du kirol egokitua sustatzeko.
Emakumeen kirola sustatzeko berriz, 6.000euro bideratu ditu berdintasun Sailak, ereintza Eskubaloiia, Hibaika eta Errenteriako Atletismo Taldea laguntzeko. Horri kirol azpiegituren doako erabilera gehitu behar zaiola dio udalak, eta horren barruan Beti Bizkor erretiratuen elkarteari lagapena ere egiten diotela nabarmendu du.
2019 ekitaldirako laguntzak eta lan ildoa mantentzeko asmoa azaldu du Kirol sailak, eta laguntza lerro berria sortuko duela jakinarazi du: “Eskola Kirolean parte hartzen duten familiei beideratua izangod a laguntza hori, zailtasun ekonomikoak dituztenen kasuan, ikastetxeetano rdaintzen dituzten kuotak diruz laguntzeko”.
