Pasaia, haurren lagun

Unicefek Pasaiako udala saritu du haur eta nerabeen eskubideen arloan egiten duen lanarengatik; Alkateak Oviedon jaso du saria.

olatz mitxelena

Pasaia

2018/11/28

Izaskun Gomez alkatea, saritutako beste udalerrietako alkateekin, Unicefen saria jasotzeko ekitaldian.

Unicef haur eta nerabeen eskubideen defentsan lanean ari diren 174 udal saritu ditu eta tartean da Pasaiako Udala. Atzo banatu zituzten sariak, Oviedon, eta han izan da Izaskun Gomez alkatea, saria jasotzeko ekitaldian. Harekin batera, Espainiako estatuko beste hainbat alkateekin batera, Iruñekoa, Bilboko, Gasteizeko eta Ortuellako alkateak izan ziren. “Pasaiako biziberritzeak ezin du soilik urbanistikoa izan” adierazi du Gomezek Unicefek udalari egin dion aitortzaren harira, eta leheneratzea gizarte gaietatik hasi eta “jendarteko sektore ahulenen alde lan eginez osatu behar dela goraipatu du. Alkatearen arabera, Unicefek saritu duen Eskubidean Planak “elkarbizitza eta kohesioaren aldeko apustu bat” da “haur eta nerabeak herriko dinamikaren partaide eginez, etorkizuneko hiritar arduratsuak hezten” direla erabat sinetsita. Adin txikikoen parte hartzea ez ezik, haiekin lan egiten duten gizarte eragileen formazioa sustatzen du Eskubidean planak. Izaskun Gomez nabarmendu duenez, planak Pasaiako Udalean ordezkaritza duten talde guztien babesa du, Pasaian haur eta nerabeen eskubideak talde politiko guztientzako lehentasuna direlako.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.