[Bideoa eta galeria] Euskaraldiaren azken txanparako hats hartu dute Trintxerpen

Euskaraldiaren harira, Trintxerpeko Korkoiburuek hainbat jarduera antolatu dituzte gaurko. Horietako batean, bazkarian, izan da HITZA

Urko Etxebeste Petrirena

Pasaia

2018/12/01

Trintxerpetar kuadrilla bat, bazkarian.

Trintxerpeko Korkoiburuek kalera atera dute gaur Euskaraldiaren esentzia, Euskararen Egunaren bezperan ia. Ahobiziak eta belarriprestak elkar eraginean aritu dira, ozen eta ikusgarri, Pasaiako barrutian. Euskaraldia hori baita: euskara erabiltzeko iniziatiba, euskara gehiago erabil dadin 11 egun hauetan, eta 12.enetik hasita beti. Gaur, horretarako guztirako hats hartu dute Trintxerpen. Korkoiburuek lortu dute. Haurrentzat jolasak egin dituzte lehenik Gernika plazan, ondoren trikipoteoari ekin diote, eta eztarriak berotuta joan dira Ziriza Etxeko herri bazkarira. Tenperatuta egokiarekin iritsi dira, euskara gosez, bazkarira trintxerpetarrak; eta tenperatura egokia ere jangela handian, berogailuak jarri dituztelako, potentziaz, euskararen garra itzal ez zedin. 110 bat lagun bildu dira. HITZA Ziriza Etxean izan denerako bukatzear ziren helduak bazkariarekin. Haurren mahaiak aspaldi hustu zirela, jolasean ari ziren Zirizako txoko batean. Bazkalostean bertsotan aritzekoak ziren Maddi Ane Txoperena eta Maider Arregi bertsolariak. Eta ondoren, Laja II taldearekin, erromeria. Ze ondo euskaraz! Donibanen ere egin dituzte Euskaraldiaren barruko ekitaldiak. Jarraian, bazkariko bideoa eta hainbat irudi.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.