[Galeria] Euskararen epelera bildu dira

Mintzodromoak ehun bat euskara ikasle bildu ditu Galtzarabordako kiroldegian, Euskararen Egunean eta Euskaraldiaren azkenekoan.

Ikerne Zarate

Errenteria-Orereta

2018/12/03

Euskara ikasleak mintzodromoa amaituta familia argazkian.

Euskararen Eguna da gaur, baita Euskaraldiaren azkena, eta horren harira hamarnaka euskara ikasle bildu dira gaurkoan bereziki arnasgune bilakatu den Galtzarabordako kiroldegira. Ordu eta erdiko saioan euskaraz aritu dira kafearen bueltan, egunerokotasuna duten gaiez, natural, eta euskaraz. Hori dute helburu, euskaraz aritzea noiznahi eta nonahi, edonorekin ere. Horretarako aukera izan dute gaur mintzodromoan, baita aurreko hamar egunetan ere Euskaraldiarekin bat egin duten Aho Bizi eta Belarri Prestei esker. Errenteria-Oreretan 3.000 izan dira guztira. Xenpelar AEK zein errenteriako Udal Euskaltegiko ikasleen erronka euskara ikastea da, baita euskaldun askoren antzera, euskaraz bizitzea ere. Lehen urratsa izan da Euskaraldia, 11 egunez euskaraz bizitzeko esperimentu ederra. Erronka orain, 11 egun horiek, hamaika egitea, hala nahi duen orok, 365 egunez euskaraz bizitzeko aukera izan dezan. Gaur izango da beraz, Euskaraldiaren itxiera ekitaldia, 18:30ean. Foru plazan zegoen aurreikusia, baina eguraldia dela eta Niessen aretora ekualdatu dute. Mikel Markez, Mikel Albisu (Ze Esatek) eta Joni Camachoren (Sonakay) parte hartzea izango du itxiera ekitaldiak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.