Poteoa, bertso bazkaria, jolasak, jam session-a eta beste hainbat ekitaldi antolatu dituzte hilaren 26rako
![xanisteban eguna oihartzun guk](http://oarsoaldea.hitza.eus/site/files/2018/12/xanisteban-eguna-oihartzun-guk.jpg)
Kataxulo gaztetxian bazkalduko dute datorren asteazkenean.
Gazteek parranda egiteko aukerarik ez dute galtzen. Horrela izango da aurtengo Xanisteban Egunean ere bai. Oihartzun Guk-ek antolatuta, hainbat ekitaldi egingo dituzte datorren asteazkenean.
Lehendabizi, poteo musikatu bat egingo dute, Miren tabernatik hasita. 13:00etan jarri dute zita. Ordubete beranduago (edo) bertso bazkaria egingo dute gaztetxean. Lau bertsolari jarriko dira mikroaren aurrean: Josu Ibarguren, Jokin Irastorza, Iraitz Mateo eta Jon Otegi. Sarrerak Sorgin tabernan eros daitezke, hamar euroan. Ostirala —hilak 21— izango da azkeneko da.
18:00etan jolasentzako txanda izango da, eta 19:00etan musikarentzako txanda izango da, jam sessiona egingo baitute. Sorpresa gehiago egongo direla ziurtatu dute.